ما الحل مع كذب صديقتي الذي لا ينتهي؟

لدي صديقه اشك بانها تعاني من مرض نفسي دائمه الكذب وتحاول تطلع سوالف انها مريضه وتعبانه وتكسر الخاطر ومعنفه عشان نهتم فيها تشكي كثير وتسوي دراما كثير احاول اساعدها وابين لها ان نحل مشاكلها واحاول اجيب حلول بس مايفيد غصب تبي تطلع مشكله وانها تكسر الخاطر تجيب سوالف انها تعالج عند طبيب نفسي والسالفه كذب تقول انها بتنتحر وتحاول تسوي اشياء بنفسها وهو كذب بس تبي الاهتمام وكل يوم تطلع سالفه لاتقولون يمكن ماتكذب لاتكذب اكثر من دليل يدل انها تكذب واشياء مفضوحه جدا ومثلا تتكلم ان ارسلت صورتها لشاب بالغلط وانه يهددها وساعدوني شنو اسوي ولما يطلبون منها حساب الشاب عشان يكلمونه البنات اختفت فتره بعدين جابت حساب والحساب سناب جديد مافيه ولا نقاط واضح توها مسويته ولما يقولون خلونا نتصل ع الهيئه ترفض رفض شديد لا ومادري ايش رغم انه لصالحها! ولما قالوا لها البنات ورينا المحادثه الي ارسل لك انه يهددك ترسلنا بنفس الدقايق الي نكون سألناها فيها واضح تو كاتبتها وسوت نفس الموضوع مع بنت ثانيه انها ارسلت لبنت ثانيه متعرفه عليها من النت صورتها وانها مادري شسوت بعد ! مستحيل سوالفها كذب وتناقض كبير بمواضيعها مادري ايش الحل المشكله مااقدر اخليها بروحها ولا اقدر اتحمل تصرفاتها هذي ولا اني فاهمه ليه تسوي كذا اصلا وتقول مثلا ان ابوه يحبسها ومايخليها تطلع وانا اشوفها بس طالعه وتقول انه ساحب جوالها وتستخدم جوال قديم عندها وانا اشوفها تستخدم جوالها الجديد تقول ان امها ماتوقف معاها وصار اكثر من موقف قدامي لامها تحزن واضح ان قلبها ع بنتها صح مادرس بس انا اعرف صديقتي وكذبها ابي اعرف اذا فيها شي شلون اتعامل معه