صديقتي تغيرت، كيف أجعلها تهتم بي مثل السابق؟
من مجهول
تاريخ النشر: 27-04-2018 15 إجابات 1
0
1
انا بصراحة عندي رفيقة انا وياها منحب بعضنا كتير بس مع الايام هية تغيرت وصاوت ما تتحركشني ولا تهتم فيني صارت اذا شافتني تسلم سلام عادي وانا بدي ياها ترجع متل ما كانت وهية كمان تعرفت على ررفيقة وصارت تحبها كتيرر ونسيتني بدي حل كيف بدي ياها ترجع تحبني ونرجع متل قبل
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هنا
كيف تود أن يظهر اسمك على الاجابة ؟
-
الدكتورة سناء مصطفى عبده يا ابنتي الحب من الله ولا نجعل الناس تحبنا غصب، وفي مثل هذه السن تتغير العلاقات والمشاعر وتتبدل الصداقات، لذا لا اريدك ان تفكري كيف ترجع تحبك انا اريدك ان تحبي نفسك وتبدأي بتكوين صداقات وعلاقات جديدة وتتوسع دائرة معارفك ولا تجعلي حياتك مبنية على صديقة واحدة، وهي ربما وجدت راحتها مع تلك الفتاة، وتذكري ان الصداقة ليست عهد مقدس مثل الزواج لا يجوز فيه الخيانة ولا التغيير، هذه صداقة ومعارف والكل يبدل ويغير صداقاته مع الوقت، وانت كوني طبيعية ولا تعلقي عند تلك الصديقة، وفقك الله 
من مجهول كوني واثقة من نفسك لا توقفي حياتك على حد بس في طرق كتير لحتى تخليها ترجعلك . ازا انتي كل يوم بضلك تعاتبيها وتقوليلها ليش هيك انتي وضلك وراها هيك هي رح تنفر منك ف انتي لاتقربي عليها رجعيها مثل وكانو اول مرا تعرفتي عليها وصاحبي اصدقاء جدد هيك انتي بتخليها تحس بندم وبترجعلك. بس حتى يوميت ترجعلك لاتكوني متل قبل عامليها عادي لان بعدين رح تسالك نحنى رجعنى لبعض ليش عم تعامليني هيك انتي هيك بترجعيها الك.
من مجهول قصتك أثارت اهتمامي لأنها بتشبه قصتي مع أقرب صديق لي، من لما كنت صغير كان صديقي الوحيد هو ابن عمي وكنا مثل الاخوات كنت حبو أكتر من أخي حتى، وكان كل شي بالنسبة الي وأنا كمان كنت اعنيلو كتير وكبرنا سوا ودرسنا سوا وقضينا أجمل لحظات عمرنا سوا وكنا متل أي تنين اخوات منتخاصم ومنتراضى وكنا كتير نعز بعض ونغار على بعض حتى كنا نقول لو عنا اخوات بنات كنت تجوزت اختو وتجوز اختي منشان نصير أقرب لبعض وكمان كان في معنا عمي اللي هوي عمو كمان بنفس سننا تقريبا هوي كمان انسان طيب ومنحبو كتير وبيحبنا كتير بس أنا وابن عمي كنا أقرب لبعض من عمي كوننا كنا كل يوم نلتقى سوا بنفس المدرسة وحتى بعد ما كبرنا ما في يوم بيمرق من دون ما نسهر سوا بشي كفتيريا أو مطعم بس أنا بآخر فترات صرت لما التقى بعمي اللي هو من عمرنا صرت احكيلو على ابن عمي وانتقد أفعالو وتصرفاتو وكنت احكيلو أسرار ابن عمي وصرت قلو أخبارو كلها حتى في أغلاط كان يرتكبا ابن عمي ما كان يخبر فيها حدا الا انا، كنت بدل ما انصحو روح احكي لعمي وكنت افشي كل أسرارو وهو ما كان حاسس عليي كنت خبر عمي بكل شي لدرجة اني اذا حكالي موضوع كتير خاص احكيه ولا اهتم لمشاعرو ولا حس بحالي اني عم خونو وهو واثق فيي ومأمنلي وبعد فترة ابتديت لاحظ ان ابن عمي تغير عليي كتير صرت لما اتصل فيه يتهرب مني واذا طلبت منو نطلع سوا يتحجج بألف حجة ويقول مشغول وبدي نام وما فاضي لحد ما خدت عنو فكرة سيئة وصرت قول الظاهر عم يغار مني لأني عم اشتغل بشغل أحسن منو بالرغم من ان ابن عمي ما بيتمنالي الا كل خير ولا مرة حسدني بالرغم من تفوقي عليه بكل شي أنا أغنى منو بالمال وأشطر منو بشغلي وحتى لما كنا بالمدرسة كنت أشطر منو وجيب درجات أعلا من درجاتو ومع هيك كان ينبسطلي وما كان يحسدني ولا مرة غار من تفوقي بس ما بعرف ليش فجأة صار ناشف ويتهرب مني لهالسبب صرت قول الظاهر غيران مني لأني استلمت منصب اعلا من منصبو لأن ما في أي سبب تاني لتغيرو معي ومضي حوالي شهرين وأنا شايف نفسي عليه وما رجعت اتصل فيه ولا اهتم لزعلو وقول انو هو الظاهر حسود وبيغار مني وأكيد بعادو عني خير الي بس بعد فترة صرت شوفو مع صاحب غيري عم يسهر وينبسط معو فصرت افقدلو واشتقلو وحسيت حالي خسرتو لأني عارف اني ما بلاقي رفيق متلو خاصة لما امرق بظروف صعبة كنت متعود لاقيه حدي، اتصلت فيه بعد الانقطاع ورد عليي بجفا وصار ما يعطيني وش، قبل ما يسكر قلتلو انت شو غيرك قلي ولا شي فطلبت اني شوفو قام رفض وتحجج انه مشغول، رحت على بيتو وأصريت عليه يحكيلي سبب تغيرو فصار يقول اني صديق خاين وما كان متوقع مني اللي صار انصدمت وما عرفت احكي شي لأني ما فهمت شو بيقصد، قلي لو الشي اللي سمعتو عنك كان حدا غيرك عاملو كنت تقبلت القصة بس انت ما عم اقدر صدق، فسألتو شو القصة قلي انو عمنا خبرو بكل اللي كنت احكيه عليه فأنا أنكرت القصة وقلتلو لا تصدقو عم يحاول يفرق بيناتنا وكل الكلام تأليف فصار يقلي انو الاشياء اللي خبرو اياها عمي ما حدا بيعرفها غيري وعمنا من وين بدو يعرف لو ما انا خبرتو، وقلي اني كل يوم بقعد مع عمي وبحكي عليه انه حسود واني ما عم اتصل فيه لأنه شب صايع وفاشل والكل مخدوعين فيه (وفعلا هاد الحكي كنت احكيه لعمي بعد انقطاعي عن ابن عمي) فهون عرفت انو رفيقي تغير بسببي ما بسبب حسدو وبعدين ترجيتو كتير وطلبت منو السماح وسامحني بس علاقتنا ما رجعت متل الأول لأن ما عاد بيوثق فيي أبدا_____ الشي اللي حابب أوصل اله من خلال قصتي ان اذا رفيقتك كانت تحبك لهالدرجة اللي بتحكي عنها فأكيد ما تغيرت بلا سبب حاولي تعرفي ليش هيك عم تعمل معك يمكن تكوني حاكية لحدا عليها وعرفت بهالشي ولا تقولي ان اللي حكيتيلو ما ممكن يحكيلها (حتى لو كانت اختك او امك او اي حدا من برا البيت) لأن اللي صار معي اني كنت واثق بعمي كتير لدرجة اني احكي على أعز أصحابي معو وانا مطمئن لأني مستحيل احكي على ابن عمي لحدا غريب بس كنت مستبعد يوصلو كلامي عليه لأن عمي كمان صاحبنا وبيحبنا ومنحبو كتير فتأكدي منيح ولا تقولي انك عم تحكي لحدا أمين ديري بالك ولا تخسريها وحاولي تفهمي منها سبب تصرفاتها رح تلاقي انها معها حق وما تغيرت بلا سبب (يمكن تكون مجروحة جرح عميق ولو ما محبتها الك ما بتزعل منك) أطلت عليكي بالكلام بس حبيت انصحك من تجربتي 
من مجهول تقربي منها وافهمي ما هو السبب وراء تصرفاتها هذه يمكن في سوء تفاهم - 0
- اعجبني
- .
- اضف رد
- .
- عرض الردود
- .
- 27-04-2018
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات الصداقة
احدث الوصفات
احدث اسئلة الصداقة
اسئلة من بلدك
احجز استشارة اونلاين
