صديقاتي يقصرن في حقي كل مره وللأسف...

انا فى ثانوى عام ليا صديقات كتير بس عدد قليل اللى قريبين منى اوى احنا 6 اصدقاء اللى مع بعض زى الاخوات ويمكن اكتر بحبهم جدا من اول ما بقينا اصدقاء وانا بتنازل كتير اوى بتنازل لما نتخاصم لو هما اللى غلطانين وبسامحهم بزعل شوية يوم اتنين بالكتير والتالت بكون مصالحهم وبتكلم ولا اكن حصل اى حاجة ولما بزعل حد فيهم بروح اعتذر واصالح واعمل اى حاجة عشان ميزعلوش هما طيبين وبيحبونى بس اوقات كتير بحس ان بقلل من نفسى عشانهم اوقات بيعملوا مواقف معايا محدش يتقبلها وبتقبلها عشان بحبهم وبنسى واتعامل اكن عادى مفيش حاجة حصلت على عكسهم لو عملت حاجة زعلتهم بيعلقوا المشنقه ليا المهم من تسع شهور تعبت تعب شدبد ومكنتش بمشى ورجلى اضخمت وروحت للدكتور اتحجزت فى المستشفى اسبوع وكنت هعمل عمليه كبيرة فى العظم بس الحمد لله عدت سليم ورجعت البيت فضلت فترة بسيطه فى الببت اقل من اسبوع وبعدين رجعت اكمل دروسى كنت متوقعه انهم هيجولى المستشفى او على الاقل حد منهم يجى ليا البيت بس مفيش غير اتنين منهم بس اللى كلمونى اطمونى عليا قرايبى كلهم جم ليا حتى صحاب اختى الكبير زارونى فى المستشفى وفضلوا يزورونى ويتصلوا عليا زعلت من صحابى بس قلت اكيد هيجوا ليا لما ارجع البيت بس حتى مفكروش يجوا ليا البيت واول ما رجعت الدروس لقيتهم جايين يسلموا عليا ويقولوا وحشتينا كنا هنجيلك الاسبوع داه قلتلتهم لا عادى انا بقيت كويسه مع ان زمايلى كلهم اتصلوا عليا وزارونى وصحابى مش جم زعلت منهم اوى بس سامحتهم واعتذروا ليا وصفيت من ناحيتهم ومن شهر ونص تعبت وروحت للدكتور وفضلت اربع ايام تعبانه ونايمه فى السرير وكنت شبه فاقدة الوعى ومركبة محاليل لغاية ما حالتى اتحسنت ورجعت الدروس عادى وهما قالولى الف سلامه عذرتهم عشان احنا فى 3 ثانوى قلت اكيد غصب عنهم وان دى سنه مهمه فى حياتنا كلنا زعلت بس مبينش من فترة بسيطه تعبت خالص انا بعانى من حصوات الكلى بس المره دى استدعى الامر ان اعمل عملية وعملت عملية ومشفتش حد فيهم ولا حتى حد منهم يعرف ان عملت عملية لغاية ما حالتى اتحسنت وخرجت للدروس واول ما شافونى يتعاملوا معايا عادى ولما عرفوا ان كنت عامله عملية فضلوا يبتسموا بكسوف وجم يعتذروا ليا لا وكمان زارونى بعد ما خفيت فى الببت وقالولى والله ما نعرف حاسه ان انا اللى وصلتهم لكدا انا اللى خليتهم معتبرين وجوى جمبهم واجب عليا واهتمامى وحبى ليهم فرض اما هما عادى يقصروا فى حقى احنا صحاب قالنا 11 سنه هما كويسين بس دايما يقصروا فى حقى مع انى طول الوقت واقفه معاهم بس بجد اتخنقت من تصرفاتهم والمشكله مبحبش حد يفضل يعتذر منى واتا زعلانه عشان غصب عنى باضطر اصالحهم انا معنتش عايزة كدا همة كويسين وطيبين جدا وجدعان اوى فى مواقف كتير بس معرفش بيحصل منهم ناحيتى كدا ليه مع انهم بيحبونى