حاولت التقرب منهم لكن...

مساء الخير الله يعطيكم العافية يا رب لكلشي بتعملوه انا شب عمري 17 سنة من سنين كنت عاني من مشكلة انو عدد رفقاتي قليل تقريبا تنين من 7 شهور تعرفت على شلة جديدة و صرت واحد منهم عددنا كبير أكتر من 15 واحد و مع هاد بحس حالي وحيد و ما معي حدا صرلي 7 شهور بحاول عزز علاقتي معن و التقدم طفيف كتير حتى أنو نحنا ما منخرج مع بعض حاولت كتير أخرج مع حدا منن بس كل مرة ما بمشي الحال بحط العيب فيي بس المشكلة ماني عم لاقي هالعيب مع أن للصراحة بهتم فيهن كلن و بسأل عنن واحد واحد و بعطي أهمية لمناسباتن الخاصة متل أعياد ميلادن و ما بنقل حكي و ما بنم و بس حدا احتاجني أو طلبني بشي و حسنت بلبيه اذا بدي اشرح وضعي مع كل واحد منن الشرح بيطول لذلك كلشي و فيي رح حاول اختصر في تنين منهن سيئين كتير و ما بفكر اتواصل معن لأنن اذوني من دون سبب و ما بيحبوني مع أني كويس معن في واحد بيضل يتجاهلني فما عاد حكيه نخرج سوا في واحد مصلحجي يعني بس بيهتم بمصلحتو و مع هاد عندي علاقة خفيفة فيه حكيتو مرة نخرج و اعتذر طبعا ما رجع حكاني و واحد تاني حكيتو و اعتذر و ما رجع حكاني في تنين بحس انو بعاد عني و ما بيخرجو متل باقي الشباب و في واحد كويس معي بس ما فكرت حكيه بسبب خجلي و لأن مو كتير بيتحركش فيي (أنا شخص خجول كتير و بفكر كتير بالأمور و بخاف الناس ترفضني و ما بحب كون تقيل على حدا) في واحد اهتم فيي فترة بعدين ما بقى يهتم متل اول اهتميت فيه فترة بس من طرف واحد هاد بحبو بس مو كتير بيخرج معنا بيكون مع شباب غيرنا و في تنين منغلقين على بعض و ما بيطلعو غير سوا ما بيحبو حدا يخرج معن و واحد حكيتو مرة نخرج و اعتذر مني و في تنين بحبن كتير و كويسين معي الاول ما فكرت حكيه نخرج من خجلي اجا لبيتي كذا مرة بس ما رحت لبيتو ولا مرة التاني بحبو كمان كتير و بحسو بيحبني بس المشكل أنو ماني من اولوياتو و ما فكرت حكيه نخرج من خجلي كمان مع العلم انو كلن بيحكو مع بعض و بيتفقو يخرجو سوا او يروحو لمحل يعني تقريبا بيكونو 4 او 5 اشخاص بس ولا مرة حدا منن حكاني و اذا ما حكيتن ما بيقولولي ارجوكم اعطوني الحل لان تعبت كتير مع العلم اني شخص خجول و بدي كتير قوة قلب لحكي حدا و بخاف كتير الناس ترفضني حتى لو بالحقيقة هنن ما هيك ما بدي اضحك لحالي مستعد اتقبل الحقيقة شو ما كانت بس اعرفها ما بدي ضل وحيد بعتذر كتير لان أطلت الشرح بس مشان اعطيكم صورة واضحة عن كل واحد و شو الحل و شكرا كتير كتير بتمنى تردولي بأقرب وقت