صديقتي السلبية أخذت كل طاقتي وشغفي للحياة

تعرفت ع وحده من فتره يعني حوالي سنه ونص كانت سلبيه بشكل مش طبيعي كئيبه وما عندها اصدقاء ابد كنت جديده بالمدرسه وبحكم اني اجتماعيه حييل صادقت معظم البنات وكان لي صديقات اصلا المهم بسببي هذي البنت صار لها صديقات كانت قاعده ترسم بلحالها واني شفتها رحت اشوفها كعادتي يعني اقعد مع اي احد عادي وبعدين حبيتها واكتشفت انه اكو اشياء مشتركه بينا وبعد كم اسبوع اخذت سنابها وكلمتها كانت دايم تشتكي من صديقاتي القديمات وتقول انهم كانوا يتنمرون عليها وامي كانت تشوفني اكلمها وهي اصلا ما تعرفها ويوم تشوف كلامها تقولي انتبهي لا تخاويها تراها سلبيه مره وبتأثر عليك صديقاتي قالولي نفس كلام امي بس انا ما سمعت الكلام لان حبيتها وايد للأسف عطيتها كل الحب الي عندي وحاولت اغيرها خليتها مقربه مني ... لكن هي كانت دايم تتمشكل وياي على اي سالفه مهما كانت بسيطه وانا الي كنت اعتذر حتى لو هي الغلطانه من قريب حسنت تعاملها معاي وقالت أنها تحبني قلت يلا زين تعدلت البنت بس الهواش ظل بينا لدرجة اني في مره قلتلها ذي التسريحه حلوه سويها دايم قامت عصب وقالت مو من حقك تقولين كذا هذي حريه شخصيه والموضوع كبر لدرجة أن صديقتي الثانيه تدخلت وحلت المشكله بعدها بايبوعين