أصبحت شخصية أخرى بعد زواجها ولا أعلم ما سبب هذه التصرفات؟

السلام عليكم لا اعلم سبب تغيير صديقتي المفاجاء والمحير برايكم ماتفسير تصرفاتها ؟ مرحبا كان لدي صديقة كنت اعزها واقدرها واطمئن عليها من فتره لفتره ولكن بعد ماتزوجت تغيرت تماما اصبحت ذوي وجهين اقسم ب الله اشعر بهذا الشيء ولاكني لا افتح معها الموضوع ولما يصبح الامر فاق الطاقه واريد اخبارها تغلق جوالها الى ان انسى الامر ثم هي تتصل بعدها بحوالي 3 شهور وتسال وتخبص بكلام وتقول سواليف مالهاطعمه وتتعذر با اطفالها انا ما احسدها الله يوفقها انا ما اتمنى لها الضرر الله يسهل عليها انا بس مستغربه من تصرفاتها معي انا بالذات رغم اني ما اذيتها ولا تكلمت عليها لما توفى ابوي هي اتصلت بعد اسبوعين وقامت بالواجب رغم انها تدري من بنت عمي المضافه لديها سناب لاني طلبت سنابها وقالت اعتذر خاص وقلت خلاص تكفيني انك معي واتساب قالت ايووووووووووه وبعدها بشهرين اكتشف انها مظافه عندبنت عمي لان خاله بنت عمي توفت وانا حضرت العزاء وبنت عمي فتحت سناب وقالت تذكرين صديقتك فلانه قلت ايه وشفيها قالت غبيه مصوره زوجها ونفسها في سناب قلت جد اشوف ورتني والله انصدمت سالت بنت عمي متى مضافه عندك قالت لها 5سنوات قلت جد قالت والله وعزتني بوفاه عمي اللي هوا ابوي قلت بنفس اليوم قالت ايوه ثاني يوم وجات في عزاء ومادخلت اتصلت وقابلتها بالحوش قلت امانه قالت قسم ليه بينكم شيء قلت لا والله ولا بذر مني اي خطا اتجاهها قالت اساليها لما اتصل ماترد وان ردت تقول الو الو وتقفل الخط ولما اتصل بعدها فتره تحول مكالماتي لشباب وتجيني ازعاجات منها حسبي الله ولما ارسلت لها واتس وشفيك ماتردين لك 6 شهور تقرا الرساله ثم عطتني بلوك وتركتها فتره ولما جاء عيد اليوم الوطني يوم كنت فرحانه بكلمها مجانا وبفعل الخدمه اتصل عليها ماترد اتصل ماترد واخر مره رد زوجها وقلت جوال فلانه قال غلطانه وتركتها فتره 9شهور وتوفى ابوها ولما سمعت انه توفى دوغري دخلت رقمها عند اختي حصلتها حاطه صوره انا لله وانا اليه راجعون وحاله الله يرحمك يا ابي الغالي الله يرحمك يافقيدي رحمكما الله يا ابي وامي لقد توفيتما نفس الشهر انه القدر انه الحب . انصدمت ليه تحجج معي انه مو رقمها ..وش عندها اكيد مخبيه جريمه وقلت ل اختي تتصل عليها الظهر اذا ردت معناتها عادي اي رقم ترد علية اختي اتصلت من رقمها وردت واختي عزت ولماقالت من انتي قفلت اختي وفي المغرب اتصلت عليها وماردت وقلت ل اخوي يوديني بيتهم ولما دخلت وسلمت عليهم كلهم وعزيتهم وانا متغطيه ولما دخلت مجلس حصلتها جالسه رجعت شوي واتصلت عليها ناضرت بجوال وحطت صامت دخلت وسلمت ولما قربت منها سويت اعاده الاتصال قالت ل اختها اف منها فلانه وش تبي مني للحين ماتدري اني انا ورا كل هذا اللي صار لها صدق مقرفة .اختها قالت لها تعزي ردي .. وسلمت عليها وانا مرامرا مصدومه وجلست شوي بمقلط لين يناديني اخوي دخلت عمتي اخت ابوي وعرفتني وانا متغطية وسمعت اخت صديقتي وقالت ل اختها فلانه هناك وجات وفتحت نقابي قالت وش جابك من خبرك قلت لية سويت لك شيء قالت لا بس معد ابغاك تكوني صديقتي اف منك قلت وش غيرك قالت موموضوعنا حنا بعزاء اتصلي علية بعدين . وبعد اسبوعين اتصلت عليها ردت قالت اف منك بقفل وجهك اوووف وقفلت الخخط اتصلت ثاني مره قالت الو الو ردو ياجحلط وقفلت الخط بوجهي ارسلت لها رسالة نصية عسى المانع خير ماتردين ماردت على الرسالة ليومكم هذا صار لها شهر كامل وللحين لا يوجد رد على رسالة ! انا ابغا اعرف سر هذي حركات ؟ وش عندها !! هل لانها تزوجت وانا لا ؟ هل خايفه مني على زوجها ؟ اعلم انه ليس لديكم الاجابه ولكن ربما مرت عليكم هذه الحركات وتعلمون ماوراها ..