بدأت أشعر بفوبيا من وجود الناس في حياتي
من مجهول
تاريخ النشر: 09-04-2019 8 إجابات
انا بحب صحابي جدا لدرجة بتخليني اعيط انه لو حد وعدني بحاجة و معملهاش ، واحدة من صحباتي المقربين عرفت انها زعلانه مني من ناس تانيه و قعدت فترة مستنيه انها تيجي تقولي بس محصلش وقررت انا اروح اعتبها بنفسي من كل الي حصل و اني حصالي مشاكل نفسيه وحشة بسبب الزعل ده فردت عليا قالتي انه مش ذنبها و انها ملهاش دعوة بالي بيحصلي و قررت اقطع معاها ، بعديها بيومين كلمتني و قالتي انها مش اسفه لانها كانت بتردلي نفس العشور يعني انك تسيب حد زعلان منك !! و زعلت مني عشان اول مدخلت اعتبها هزرت معاها و قولتلها اني بكرهها انا ببقي بقولها هزار مش اكتر و كان ممكن بنكته و ضحكة الموضوع يخلص و سكت و مرضتش ارد عليها بعديها بنص شهر تقريبا اتصلت و اعتذرت و قالت انها كمان كامت تعبانه و حصلها مشاكل و كدة مش مشكلتي مع صحبتي انا مشكلتي اني مبقتش عايزة حد يقرب مني تاني كذا واحدة من صحابتي بيحبوني و بيقولي نفسي اقرب بس الحقيقة انا مش هقدر اقرب تاني من حد لان صاحبتي القريبة الي زعلتني دي و لااسف قربت مني في الفترة الاخيرة قبل منزعل من بعض هي مكانتش قريبة اوي و طلبت تقرب و سمحت حاليا انا بشوف الناس كدابين و محدش بيصدق في مشاعرة و مش عارفه هل ارجع اتعامل معاها عادي و لا ابعد خالص لان هان عليها زعلي و لا اسامح لانها غبيه و مبتعرفش تتصرف ؟ انا حاسه ان بقي عندي فوبيا من الناس و بشوفهم مؤذين بدرجة بشعه و انهم بوشين و الله اعلم بيقولوا عليا ايه في ضهري ؟ انا ساعات بشك اني بعاني من رهاب اجتماعي مع اني مش كدة يمكن المجتمع الي انا فيه مريض و مبيسمحش بالتلقائيه و العفوية و بيحب التصنع ؟ انا نفسي ابطل خوف و اتعامل عادي ممكن تساعدوني .
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
الدكتورة سناء مصطفى عبده اهلا بك يا ابنتي واعتقد انك لا زلت صغيرة وتجاربك قليلة ودعيني اخبرك امر هام اولا: ان راقبت نفسك واهتممت بتصرفاتك وسلوكك ووضعت لنفسك مبادئ في التعامل لا تغيريها ابدا ستُعرفين بين الناس بها وسيعرف الجميع ان لك مبادئ وانك صاحبة اخلاق ولا تسمحين بالنميمة ولا الاستغابة ولا الكذب وسيعرفونك صادقة وجريئة وقوية. ولهذا توقفي عن المزاح والهزار في امور وباستخدام كلمات قد يفهمها الناس خطأ مثل ان تقولي لشخص اكرهك وانت لا تقصدين. ولا تخافي ولا تعممي فتقعي في اغلوطة التعميم المتسرع، ليس كل الناس كاذبة وليس كل الناس خائنة، ولو صادف ان تعاملت مع شخص لا يعني ان الجميع هكذا، وربما انت فهمت خطأ وربما انت افترضت، ولهذا اعلمي ان الاصدقاء فئة متغيرة لأنهم معارف وليسوا ثوابت في الحياة فلا ترمي عليهم ثقل حياتك بينما الام والاب والاخوة والعائلة ثوابت راسخة لا تتغير وهم احق الناس بصحبتك، لا تخافي من الناس بل قوي ثقتك بنفسك ولتكن عندك شخصية واضحة وحادة وحازمة، وتفائلي بالخير واحسني الظن بالله ولا تكرري كلمة رهاب اجتماعي لأنها امر خطير وانت ما بك شر، وان شاء الله انك ستتجاوزين هذه المرحلة واي مساعدة تابعي معي وربي يوفقك. 
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات الصداقة
احدث اسئلة الصداقة
اسئلة من بلدك
احجز استشارة اونلاين
شارك في اخر الاختبارات
