أنا طالبة جامعية عمري 20 سنة أختي معي بنفس الجامعة

السلام عليكم جميعا أنا طالبة جامعية عمري 20 سنة أختي معي بنفس الجامعة اكبر مني بسنتين .. وفي يوم اسود تعرفت ع صديقتها فالحق أني حبيتها من أول ما شفتها لكن لما عرفتها أكثر بديت اكرها مب بديت إلا كرهتها خلاص .. تطورت هالصداقة كنت أشوفها مرتين بالأسبوع بالجامعة والباقي رسائل .. بعدين صارت تجيني كل يوم لدرجة أني اطلع من المحاضرة أخلاقي قافلة ألقاها بوجهي ما صارت تكتفي بالرسائل هذا غير تعليقات صديقاتي واستهبالهم وأحسن شئ بصديقاتي أنهم متفهمين وعارفين أني بلشت معها ... قلت لأختي بصراحة صديقتك نشبه فكيني منها تعذرت قالت أنها تحب أسلوبي وطريقة كلامي وطريقة تفكيري حتى أنها شرت كل الكتب اللي أنا اقرأها .. لكن ما أشوف أن هذي صداقه لان رسائلها كلها حب وخرابيط وإذا كنت مشغولة وقت البريك تقعد تتحلطم وتبي تشوفني وما اقدر ما أشوفك وصارت تدخل معي المحاضرة وتزعل إذا نمت وما كلمتها وصارت تأخذ قرارات عني وكل همها كيف تملكني .. و للامانه أخذتني من نفسي ومن وقتي ويومي ... وهي فالأصل ما تسوي كذا مع أختي مع أنها من شلتها وقريبه منها بس استغرب حركاتها معي ... ومره قربت مني بشكل غريب دفعتها بقوة ما ادري وش كانت نيتها لكن هي حلفت بأن ما كان قصدها تبوسني ولا ممكن أنها تضرني ... اعتذرت وبكت وترجتني ووعدتني أنها ما تكررها ... حتى ألاحظ ما تسلم علي بس تضمني بقوة واحيانن ضمتها توجعني ... مع العلم أنها خلعت خطيبها لها سنة ونص خايفه تكون تمليني محل الفراغ اللي هو تركه ... أبغى طريقة اتركها فيها مع أني وقحة ببعض المواقف اللي تمس خصوصياتي وما تدخل مزاجي لكن استصعب أسوي هالحركة فيها كونها صديقة أختي ... وأختي مسكينة ما تدري عن اللي قاعدة تسويه معي .