صديقتي تبعدني عن دراستي وأصدقائي

عندي مشكلة عم تعملي امراض نفسية ....انا صبية عمري ١٧ سنة طالبة ثانوية من المتفوقين بس المشكلة انو عندي صديقة الي دايما بدا تتقرب مني اكتر وأكتر وانا بديش بس عم أنجبر انا بديش أتقرب منها لأسباب متعددة اولا انها كذابة وكل اشي بتقلي كذب حتى وصلت معها انو تألف قصص عن حياتها الآي هي كذب هذا الاشي مش بس انا ملحظيتو كل صحابي لاحظو الاشي ثانيا هي بتحب تلهيني عن درسي مثلا زي الاتصالات زائدة حتى مرت بتبلش الحديث وبتسكت بس عشان اتضوع وقت وانا مادرسش وهي دايما بتقول انها بتدرس بس هي بتكون بتحكي وبتجيب كل العلامات من النقل وهذا الاشي صار قدامي غير هيك هي متصلتة وعندها مرض الي بتحب كل اشي يكون الها يعني بحسها بدا تمتلكني او صارت مرات تكرهيني لصحابي الي اكتر اشي مقربين علي وخاصة أعز صديق عندي صارت تألف عليه قصص الي انا أكتبو ازعجتني .انا اسا مش عارفة كيف بدي اقدر اقلها انو انا وياكي بنفعش نكون صحاب خاصة انو انا من الناس الي بحبش أجرح حدا او ازعلو بضلني افكر بالموضوع بس الاشي عم بتعبني واصدقائي اخر فترة لاحظو اني انا زادت عصبيتي وكتير اشياء بتمنى تساعدوني