كيف أنهي علاقتي مع صديقتي المستغلة دون أن تؤذي نفسها

انا بنت بداية العشرين تعرفت على وحدة اصغر مني بسنة انا وياها نتشابه بالظروف وبأشياء ومن البداية كان في حماس وكأني اعرفها من زمان وانا إلى الان ما اعرفها الا بس ثلاث شهور ولكن عمّق علاقتنا جدًا قوية وصارت تثق فيني وفي اشياء ماتسويها الا معاي وصرت اعرف عنها اصغر التفاصيل ولكن الحماس اختفى من ناحيتي على الرغم انها طيبة وكويسة معاي جدًا واحيانًا احس اني ما احبها مشاعري عادية اتجاها بس هي لا مرة تحبني وصرت احس بعدم الارتياح معها مدري إيش الاسباب وهي تقول اني غيّرتها للأفضل وصارت حياتها بوجودي كويسة لكن بالنسبة لي وجودها ماضاف لحياتي شيء ولا غيرني للأفضل ، بديت أحس اني الام لها وكأنها طفل متعلق بأمه لدرجة لما زعلت منها مرة قلت لها خلاص ما ابيك في حياتي قالت بأذي نفسي لو تركتيني وبحكم اني اعرف حياتها وظروفها ما لقت الحنان والاهتمام والثقة من اهلها الا عندي لذلك هي متعلقة فيني بس انا مو مرتاحة لان بديت احس بالاستغلال صارت تطلب مني اني أحل لها واجباتها المدرسية في المنصة بحكم هي تدرس وتشتغل مو فاضية وحليت لها مرة بس بديت افكر حتى لو ان عندي وقت فاضي ليه احل لها؟ مو مسؤولة عنها و راح يجي يوم وبتقول انا ماغصبتك انتي سويتي هالشيء برضاك وبيجي شخص بدالي في حيّاتها وتبدأ تقفل ملفي وتشوف نفسها مع أشخاص ثانيين ومهما كانت متعلقة فيني بس ماننسى ان كل انسان يسعى لمصلحته والدليل طلبت مني احل لها ياليت مرة وحدة لا بكل مرة تبغاني ادخل واحل ! وانا مابي اكسر خاطرها لان كانت تحكيني عن خذلانها من ناس كثير وان محد من اهلها يثق فيها إلا انا وان انا الوحيدة اللي صرت لها الصديقة والاخت والام والاب ومن ناحية اخرى عندها صديقة تعرفها من سنوات وانا تعرفني بثلاث شهور فضلتني عن صديقتها تقول انتي غير عنها في اشياء واسرار ماقلت لها وقلتها لك انتي وقالت هي انا عارفة لو قلت لها بعض الاشياء ماراح تقعد معاي دقيقة وحدة بس انتي قعدتي معاي رغم كل الاشياء اللي قلتها لك و واثقة فيني للان ف انا مستغربة صحيح انها ماسحبت على صديقتها والى الان معها لكن اكيد تغيرت عليها وماصارت زي قبل وخصوصًا احساسي بعدم الارتياح معها غريب وايش اسبابه اني مو مرتاحة احس ابي انهي العلاقة بأي طريقة لكن ما اقدر نفسيتها تتعب او تسوي بنفسها شي وانا مو ناقصة بس ابي اعرف وش اسوي