صديقاتي يريدوني أن أكون ملك لهن وحدهن

مرحبا حابه احكيلكم مشكلتي انا بنت عمري 20 سنة عندي صحبات كتير بحبهم و بحب اكون معهم بس المشكلة بتصير دائما معي من انا وصغيرة اكتشفت انه كل بنت بتكون صاحبيتي بتحب اكون معها بس يعني ما بتحب احكي مع غيرها او يكون الي صحبات غيرها و دائما كانت تصير مشاكل بسبب هاد الموضوع مع اني انا بعمري ما حسست حدا انه اقل من حدا او اهم من حدا و انا مش شايفة انه لازم اعيش حياتي يكون عندي بس رفيقة وحده عادي الناس يلي بحبها بس بتكون بحياتي مش عم احكي مع اي حدا المهم انا اخر سنتين كان عندي اكتر من رفيقة و كل رفيقة لما احكيلها شو رأيكم نطلع كلنا مع بعض كل وحده بتحكيلي انها حابه تطلع معي بس مع انهم بعرفو بعض وصحبة و كل شي وغير هيك كل وحده بتصير تحكي عن التانية و انه بتكرهها و ما بتتمنى تكون صاحبيتي وكل وحده بتحاول تخليني احكي معها لحالها بس ,,,, انا اخر اشي سؤالي مين صار معه نفس الاشي انا كتير بتدايق لما اشوفهم هيك و ما بدي اخسر حدا منهم بس ليش عم يتصرفو هيك انا سألت ناس وقالولي ما مر عليهم متل هيك معقول انا بعمل شي وانا مو منتبها اتزعلهم من بعض او انه هم هيك كلهم بتمنى تساعدوني