زوجي تغير بعد وفاة والدته وأتمنى أن أثق به مجدداً

السلام عليكم ورحمة الله وبركاته انا متزوجه وعندي طفل سنتين وزوجي كان كويس معايا ومحترم وبيصلي وكريم لكن من بعد وفاة أمه تغيرت معاملته جدا عرفت بعد كده انه بيدخن ولما واجهته أنكر وبالتدريج بقي الموضوع عادي لكن بعد كده اكتشف في انه بيتعاطي ترامادول وأنكر وضربني و عدت فترة لقيت في علي موبايله رسايل بتثبت انه بيتعاطي أي حبوب مسكنه من 2013 لحد الآن وانا في حاله توهان ومش قادرة اسكت اكتر من كده ونقص من نظري ومبقتش احترمه وحاليا يصوم بالنهار ويشرب حشيش مع أصحابه ده كله وهو فاكر اني نايمه ومعرفش حاجه ومتطمن لما كنت بوصله إحساس اني شاكه فيه كان ديما قلقان مع العلم أنه كانت تصرفاته معايا مريبه كل أما يتعصب يتحول ويضربني وانا كرهت نفسي اني ضعيفه ومش قادرة أدافع عن نفسي وبيغير من أهلي جدا وشتمني وشتم عليهم وانا دعيت عليه ومش مسمحاه ورغم اللي عمله معايا انا عايزه احافظ علي بيتي عشان ابني نفسي ارجع أثق فيه تاني واحبه