أصبحت مروّج ممنوعات

خاف الله وتب بين يديه استغل صحوة الضمير والتي هي الهام من الله قبل ان تتورط اكثروتنكشف ويكون مصيرك السجن ولاينفع وقتها الشهادة او الرفاهية او المال. ولو كنت إنسان افضل بلغ عن هذه العصابة وأنقذ كثير من الشباب وستكون عقوبته مخففة

ثق بالله ان نهايتك قريبه وفي السجن ولفترة لأنقل عن عشرة سنوات ،،،،أسرع واترك هذه التجاره،،،وتذكر نصيحتي لك للله ،،،واعمل بشرف

دور على شغل واكسب رزقة بالحلال بلا المخدرات والمال الحرام .. الحلال القليل ولا الحرام الكثير، انوي انك ترجع لربنا وهو رح يوقف معك .. انا مريت بهيك تجربة والحمد لله عقلي وقلبي كانوا مقتنعين انه اللي بعمله حرام، والله قدرنا ودورت على شغل وكسبت .. وتصدقت من القليل وبالآخر ربنا فتحها عليّ واعطاني .. انت بعدك بأول الطريق مثل ما أنا كنت .. لا تتورط اكتر، كنا شباب وغلطنا ولكن يجب عدم الاستمرار في الخطأ

انت بتقول "اريد ان أتخلص من هالشغل لأني بدات اشعر انني سأنكشف من اهلي، بسبب كثرة مشترياتي ورفاهيتي، عن جد محتار شو أعمل"، لا تحتار ولا على بالك .. الحمد لله انه فيه بداية خير فيك، الله يرضى عليك .. روح تخلص من كل هالشغل اللي عندك لو برجعلك الاف الدنانير، هذا مال حرام .. الله يستر عليك لا تضيع الناس المساكين مقابل نزوتك ومظاهرك .. ارجع لربنا والله غفور رحيم .. صديق الي مر ابنه بهذه التجربة، وبالآخر اكتشف اللي بعمله ابنه .. والله لا يورجيك الانهيار النفسي اللي صابه، بس قدر بذكائه الوالد يتدارك الموضوع، وانتشل ابنه .. وانت صارح والدك بالحقيقة، وانوي بالخير والله يتوب عليك .. زي ما تاب على ابن صديقي

التوبة عن الذنب ما تكفي لازم تتزكى هذا الويل اللي اكلت واشتريت وتسوقت منه له ضريبة وثمن.. الزكاة تطفي غضب الرب.. وطالما انت عارف انك غلطان ما في داعي انك تستمر بالغلط

رزق الحرام بيحرق صاحبه، يا ويلك من الشباب يلي خربت بيوتهم ودمرت حياتهم بالسم الهاري تبعكم، مش بس لازم تتوب ولازم تلاقي طريقة تبلغ عنهم اولاد الحرام العصابة، وتحطهم بالسجن ليكونوا عبرة لغيرهم، ابن أخوي ضاع من وراكم يلي ما تخافوا الله.

 يعني بدهاش سؤال، حاسة الك خاطر تضل برزق الحرام، طبعا اترك وعيش حياتك بالحلال، ايش بتتوقع أحكيلك خليك بالصرف والترف بالحرام، إما شباب آخر زمن

 قول الحمد لله انك قربت تنهي فترة الجامعة وانت ما انكشفت، لأنه لو انكشفت راح تدخل بسين وجيم وتنسجن ويضيع كل مستقبلك وسمعتك وغير انك ممكن تخلي اهلك يمرضوا، والا ينجلطوا، والا تخيّل حالك صرت مدمن!

توب عن الذنب فالتائب عن الذنب كمن لا ذنب له وروح على المسجد والتزم بالصلاة وخليك بالعبادة راح تنسى كل هذه الهموم بس بدك تكون جدي واتعلم أنه الترف والصرف مش مصدر سعادة، رزق الحلال اشرف وخاصة اذا بتعطي امك والا اخواتك من الفلوس، خليها حلال وزكي رزقك، وان شاء الله ربنا بيسامحك على الشباب يلي جريتهم للادمان من ترويجك.

انا الآن باول الثلاثينات من عمري وعندي شوي خبرة بتجارب مش مثل قصتك، بس زي كل الشباب مريت بتجارب في الجامعة، واكتشفت أنه كل مرحلة في الحياة والها تجربتها، اذا بدك تحمل هم مشكلة الجامعة معاك للحياة رح تتغلّب، سكر على الكار كله وروح على الشغل والحياة تجارب جديدة، اترك وانسحب أشرف لك.

الجامعة مرحلة من مراحل الحياة مثل ما كانت مرحلة المدرسة ومطلوب تعتبر ما صار في الجامعة ذكرى وخلص، وبلاش ضلك عايش بأحلام كاذبة. اترك هالكار واسترزق بالحلال بكرة بيصير عندك عيال وبدي تعيش صح، لا تخاف تحجج بالدراسة وشوي شوي انسحب، بس انسى يلي صار