كيف أساعد حبيبي الذي يتعاطى المخدرات

ارجو مساعدتى وان يرد الخبراء .. كان في واحد حبنى اوى وانا كمان حبيته بعد ما عرفت انه بيحبنى ..اتكلمنا كذا سنة ومتفقين نتجوز فضلنا ٧سنين مع بعض ..احنا عارفين بعص عشان كنا مع بعض ف المدرسة لمدة ٤سنين وبعدها كل واحد راح مدرسة مختلفة لكن فضلنا بنتكلم ونحب بعض ..هو اكبر منى ب٥شهور بس .. فضلنا بنحب بعض لكن من اول ما كلمته وانا قايلاله اننا مش هنتكلم كتير عشان دا حرام ..كنا بنبطل ونرجع نتكلم كل شوية ودا كله ع حسب مزاجى انا .. وقت ما احب اكلمه اكلمه ووقت محبش مبكلمهوش .. هو شايف كدا ..لكن ربنا يعلم انى كنت فعلا مش برضى اكلمه عشان دا حرام ..يعنى كنا متفقين انه هيتقدملى ونتجوز لكن من غير ما نفضل نتكلم .. هو خلانى اتعرف ع امه وابوه وكلمونى .. انا حبيته اوى وهو كمان حبنى اوى ..لكن هو ف اللخر بقي يطلب منى نتقابل وقاللى انه محتاج يشوفنى عشان تعبان نفسيا وهيرتاح لما ابقي قدامه ..بس انا رفضت ..كذا مرة طلب منى يشوفنى اقعد معاه وانا ساعات كنت بوافق واجى قبل المعاد بساعة وارجع ف كلامى واقوله خلاص مينفعش عشان حرام فكأنى كنت بكسر فرحته .. هو ديما كان بيقولى انه شايف انى استاهل حد احسن منه .. كان بيحبنى اوى ..لدرجة سابنى عشان انا مكنتش برضى اسيبه لما يقوللى انى استاهل احسن منه ..بس انا كنت برجعله كل ما يسيبنى .. هو عمل حاجات كتير اوى تثبت وتأكر انه كان مغرم بيا بيحبنى بجد بجد .. لكن ف الاخر اتغير خالص بقي بيدايقنى ويقوللى انا قاصد كدا عشان تسيبينى وتشوفي حالك مع اللى يستاهلك .. سبته ورجعتله كذا مرة رغم ان انا اللى بسيبه ولما بقوله هسيبك وامشي وابعد مبقاش بيمسك فيا .. ف الاهر طلب منى للمرة المليون اننا نتقابل وانا برضو رفضت راح عملى بلوك واختفي بقاله يومين او تلاتة ..انا بحبه ومش قادرة انساه ومش ممكن اتخيل نفسي اتجوز حد غيره ..انا اصلا بكره الجواز للنى نشأت ف خناقات دايمة بين بابا وماما ومعاملة وحشة جدا من بابا لماما فا بقيت شايفة كل الرجالة متوحشين وقاسيين زى بابا ..فا قررت من انا وصغيرة اوى انى لا يمكن اتجوز ..لكن لما حبيت الولد دا خلانى وافقت انى اتجوزه هو بس لكن ماولت رافضة باقي الرجالة لانى شايفة حبيبي هو الراجل الوحيد اللى يستاعل احبه وهو بس اللى ملاك ومختلف عن كل الرجالة .. لكن اتغير عليا عشان شايفنى استاهل احسن منه .. انا مش قادرة ابطل احبه ..هو صاحب ناس وحشين وبقي منفتح جدا يعرف ناس كتير اوى وبقيت خايفة عليه .. انا بحسه ابنى بحس انى بحبه اكتر من امه .. بحبه وبخاف عليه اوى ..هو دلوقتى عملى بلوك وسابنى وبدأ يشرب مخدرات هو اللى قاللى قبل ما يعملى بلوك ..انا هايفة عليه ولسه بحبه ..مش عارفة اعمل ايه ..مش عاوزاه يبقي مدمن..انا بحبه جدا