أنا في دوامة بسبب إدمانه

انا متزوجه اكثر من سنه و زوجي بالمجمل إنسان حسن الخلق معي و يحبني لكن انا أعاني معه في مشكلة معينه وهي انه يشرب ليس مدمن للشراب لكن تقريبا كل شهرين مره جربت معه كل شي قلتله لازم ناخذ استشارة آسريه للمشكلة فالبداية رفض و قالي م عندهم حلول الحل بيدي و لكن بعدين وافق لكن بدون قناعة بعدين قالي انت روحي و فعلا تواصلت مع احد الاستشاريين و قالي أعطيه فرصه يتخلص من عاداته السيئة الي كان يمارسها قبل الزواج و ان هالأشياء تأخذ وقت حوالي السنه صبرت و سمعت للاستشارة و لكن قبل أسبوع عاد لعادته و هو كل مره يوعدني اخر مره ردة فعلي كانت عبارة عن السكوت و الصمت و الصد وانا كان بقرارة نفسي النيه بالذهاب لبيت اهلي و لكن راعيت انه هالفترة عنده اختبارات و ما كان ودي نفسيته تتاثر هالفترة و تاثر على نتائج دراسته و انوي بعد الاختبارات اروح لاهلي كنوع من التأديب له زوجي موظف لكن يدرس كورس عموما الغريب انه اليوم الثاني يعاملني عاااادي و لا كأنه صار شي صح يعاملني بأسلوب ألطف عشان احساسه بالذنب كالعادة لكن ما برر ولا حاول يراضيني او يشرح انا في دوامه خصوصا أني حامل انا أيضا لا اريد ان اذهب لاهلي عشانهم ما ابغى يشيلو همي لكن تقطع بي السبل انا من بداية زواجنا من اول شهر اكتشفت هالشي انه يشرب و سامح و غفرت و تناقشنا و طلبت الانفصال لكن وعدني و كل مره يعاود الكره اغفر و أسامح الى متى انا أشتريه و هو يبيع !