اخجل من نظرة الناس لتخصصي !

السلام عليكم انا طالبة فى الجامعة فى كلية تمريض اول ما دخلتها كنت حاسة انى مبسوطة و هعمل حاجة كويسة وتفيد الناس وكنت مرتاحة بالذات انها شغلها متوفر بس بعد فترة بقيت بحس شوية بالخجل من كليتى و لما بقابل حد من اساتذتى القدامى وزمايل الدراسة بتحرج اقوله انى فى كلية ايه عشان كل ما اقول لحد انا فى تمريض بيقولولى عليها كلام مش كويس او بحسه بستقل بيا وغير كده انا بقيت احس انى قليلة يعنى عشان الممرضة بتبيت بره المستشفى والناس بتبصلها انها ممكن تكون بتعمل علاقات مشبوهة وبتساعدها طبيعة شغلها اللى بيخليها تبات برة البيت وبالذات اولهم كان والدى بحسه بيستقل بالمهنة دى مع العلم انو ميعرفش انا فى كلية ايه عشان لما كنت بقدم للجامعه هوا مكنش موجود معانا فى البيت وكان فيه عندنا مشاكل فخفت اقوله عشان بيقارننى بقاريبنا و غير كده التمريض قسم فى الكلية فانا بقول اسم الكلية وبقولش انى فى تمريض والموضوع ده مشتتنى جدا