أشعر بالاكتئاب بسبب مشروع التخرج

السلام عليكمانا فتاة في السنة الاخيرة من الجامعة ، و مطلوب مننا اننا نعمل مشروع تخرج ، و البنات الي معايا في القروب يبغو يعطو مشروع التخرج بالكامل لشخص يسويه لنا و يعطينا الشغل جاهز و احنا بس نسلمه. مشكلتي هيا اني انا كنت و مازلت رافضه اننا نستلم وثيقة تخرج على شغل احنا ما سويناه بنفسنا و و يشهد الله علي اني جلست احاول اقنع فيهم لمدة شهرين تقريبا و جبت لهم كل الحلول الممكنة الي تخلينا احنا نسوي البرنامج بنفسنا بس كانو دائما يقفلو الباب في وجهي و يطلعو اعذار بحجة انو شي جديد و مافي وقت يتعلموه و انهم شافو تجارب بنات قبلنا حاولو يسوه بنفسهم وفشلو ، رغم اني حاولت ابحث عن اماكن تعطي دورات و مواقع على النت تساعدنا ولكن بدون فايده. و كنت انا الوحيده الي معارضه و بقيت القروب موافق على فكرة انهم يسلمو المشروع لشخص يسويه بدلاً عنا. في النهايه بعد نقاش حاد لسعات و بعد ما تعبت نفسياً و استخرت الله قررت اني اتركهم يعملو الي يبغوه بشرط اننا احنا كمان نشتغل معاه في نفس الوقت. و بالفعل اعطوه لشخص يعملو على اساس لمن يخلص منه يشرح الشغل و احنا نشرحه وقت المناقشة و طبعاً طنشو الشرط الي قلت لهم عليه و كنت انا اشتغل لوحدي و اول ما اخلص شغلي ارسله له. و دحين بقي اسبوعين على وقت المناقشة و تأنيب الضمير مو راضي يفارقني مو قادره انام و له اكل احس انهم راح يكشفونا وقت المناقشه اننا مو احنا الي عملناه و بسسب دي الافكار احس بتعاسه و بأكتئاب شديد. السؤال الي معذبني هل انا من جد حاولت بكل ما اقدر اني اوقفهم من البداية ؟ ساعدوني ايش الحل ايش اسوي ..