أهلي يضغطون علي لترك الجامعة والبحث عن عمل ماذا أفعل؟

مررحبا .... رح ادخل على طول بمشكلتي ويا ريت الاقي حل عندكم :( اول شي انا طالب جامعة واغلب الايام علي محاضرات دورت على شغل باكترر من مكان وين ما الاقي بداوم يومين او ثلاث وبس اررروح احضر المحاضرات بصير صاحب الشغل يحكيلي ما بزبط هيك وانو وقت الصبح اكتر وقت محتاجك فيه ومن هاد الحكي واهلي بالبيت 24 ساعة مشاكل معهم عشان ما بشتغل حكيتلهم انو اترك الجامعة فصل اشتغل فيه واررد ارجع ما قبلو وبعد ما صرت رح اخلص هاد الفصل صارو يحكولي اترك واشتغل للعلم ما في حدا بدرس بالبيت غيري وانا اصغر واحد وما في حدا اصلا غيري الكل متزوج يعني ما في التزامات كثير عليهم غير مصرروفي بالاسبوع وكل فصل حق الساعات واصلا ما بنزل ساعات كثير عشان ما اخليهم يتضايقو بالمصروف واصلا جامعتي مش غالية يعني كل فصل 450 دولار اقل شوي او اكثر شوي بس مش اكترر وانا زهقت من كتر المشاكل معهم والله مخنوق دورت على شغل بس نفس المشكلة ما بدهم لانو بداوم بالجامعة مش عارف انا اترك الجامعة واشتغل عشان ارريح راسي من المشاكل ؟ واضل طول عمري اشتغل من هون لهون ولا اضل بالجامعة واتحمل المشاكل معهم ( لانو ما اتوقع الاقي شغل ) لانو لو ضليت بالجامعة كلها 4 سنين وبشتغل ( بدرس محاسبة ) واصلا مفكر اطلع واشتغل بدول الخليج ايش اعمل احكولي :( والله بكفي مشاكل معهم وخايف حدا منهم ينجلط او يصيرلو اشي بسبب المشاكل كل يوم :(