مستواي الدراسي ضعيف، فهل أبقى بهذه الجامعة؟

من كنت صغيره كان عندي حلم اني ادخل تخصص في مجال صحي والبس الاب كوت الابيض .. وفعلاً شديييت حيلي كثييييير في الثانويه واجتزت الثانويه بنجاح والحمد لله وجاء يوم تسجيل الجامعات وسجلت وبعد فتره طلعت نتيجة قبولي وانقبلت في جامعه كنت اظن انها مناسبه لي ومع بدايه الدراسه واجهت صعوبه جداً في التاقلم مستوى اللغه الانجليزيه في الجامعه جداً عالي ومعروفه هالجامعه وانا مستواي في اللغه ممكن نقول متوسط او اقل ودرجاتي ابداً ماتبشر بالخير وتعبت نفسيتي كثييير لاني اجتهد ولا احصل نتيجه .. سؤالي الآن هل اكمل بهذي الجامعه بهذا المستوى الضعيف ؟ او انسحب و اقدم السنه الجايه على جامعه اخرى ؟ جداً متردده اذا اكمل فيها رغم الصعوبات والتعب الي امر فيه على حساب نفسيتي الي كل مالها تصير اسوأ وأسوا والصعوبه الاكبر في السنوات القادمه في هذي الجامعه هل اكمل واطيح بهذي الدوامه او انسحب افضل واروح جامعه ربما اسهل لي ومناسبه لمستواي ؟ يمكن تكون الجامعه الي احول لها صعبه بس انا متاكده ماراح تكون بصعوبة الجامعه الي انا فيها الآن والجامعه هذي جداً بعيده عن بيتي لدرجة ان اغلب يومي ووقتي في الطريق .. اتمنى ترشدوني احس حلمي بدأ يتلاشى وتعبي الي تعبته راح هباء