بعد أن أوقعني في غرامه تغير وبدأ بتجاهلني

السلام عليكم ورحمة الله وبركاته إني وحدة كنت اركب مع صاحب حافله ليوديني للمدرسه وكنت لا اتحدت معه ولايتحدت معي ولا اعرفه قط بس ف مرة ف بنت دورت رقمه مني واني دورته من وحدة تانيه وبعد رسلاته ليا حفظته حتني لأن باتي قالي المفروض يكون عندك رقمه مرات نحتاجوه يوم من الأيام كان تأخر عليك بالجيه او ماشابه ذالك يخص المدرسه.بعدها تعرفت عليه ع النت ف البدايه علاقتي بيه عاديه وبعدين اصبحت علاقتي بيه تتطور واصبح يحدتني ع مشاكله وعن حاجات يحبنهن وعن كل شي يخصه وكانا دار حاجه ضروري يقوله ليا واصبح يفتح النت ع شاني باش يستناني لين نفتح ع خاطر ايدردش معاي وقعدنا ع هذي الحاله لعند ما حتني احسست بشعور اتجاهه وف يوم من الأيام كلمني وصارحني بما يحس بيه من احساس اتجاهي وان هو يحبني ويرتاح بعد يكلمني وقالي حتي انت صارحيني ولاتكدبي عليا اني صارحته بمشاعري اتجاهه وعشنا احلا ايام وبعدها غاب عليا فترة ورجعنه وبعدها غاب فترة ورجعنه اني عصبت عليه وسمعت ان هوا نسونجي يعني ايكلم ف البنات بس مانعرف اني ماشفت منه شي حتي ايام الحافله شخص محترم بعدها فصلت عليه وسمعته كلام ازعل مني وقالي جرحتيني وبكاء من كلامي بعدها اعتدرت منه وبعد فترة رجعت الأمور لمجاريها وبعدها ايام الأمتحانات الفترة التانيه مالقيت من يرفعني للمدرسه بعدها هوا بصدفه كان يجيب ف بنت اخته بعدها قعدنا نركبو معاه حتي احني بعدها ركبت معاه ويومها اني وياه لوحدنه طلب مني بوسه ف الاسبوع الأول رفضت ف الأسبوع التاني ماقدرت اتمالك ع مشاعري اكتر وباسني ومن بكريتها رجع وباسني بعدها تمت المدرسه وبعدها علاقتي بيه مشت تمام وف العيد جاء عيد ع امي اول مرة يجي لحوشنا ويخش داخل جاي ع شان خاطري وتوا مانعرفش معادش زي قبل لايكلم فيا ولايعدل حتي كان كلمته ايرد عليا بس مش ع طول ومرات يتجاهل اصبحت معاملته معي فيها جفاف حتني جافيته ومعادش كلمته توا ذاك اليوم كلمني سلم عليها وصبح واني رديت ع نفس كلامه لا اكتر ولا اقل ويوما سأل عني حالي حتي هوا رديت عليه الحمدلله وانت شن حالك وبس ساعدوني انصحوني متقبله كل تعليقاتكم