مستواي الدراسي تراجع وأحتاج لنصائحكم وتحفيزكم لكي أعود كالسابق
![مستواي الدراسي تراجع وأحتاج لنصائحكم وتحفيزكم لكي أعود كالسابق](https://static.hellooha.com/revamp/assets/imgs/logo-desktop.png)
مرحبا انا طالبة توجيهي من الاوائل كنت دايما وبس وصلت للعاشر رحت مدرسة جديدة للاوائل وانا بنيتي استفيد منها باكبر قدر لانها مدرسة كتير متميزة درست وتعبت ع حالي بعاشر وكنت انحرق عالعلامة بس حاةلت اقنع نفسي انو هادا بسبب انها مدرسة اوائل وامتحاناتها صعبة ومرت علينا فترة امتحانات نصفية قعدنا اسبوعين واكتر وانا ع اخر يوم كنت في زيارة عند قرايبي ما انا الا بدوخ وبيغمي علي يومها فكروني متت فبعدها رحت على المستشفى حكو فش فيا اشي ومن التعب والدراسة تعبت وانا نفسي قبل ما يغمي علي بطلت اشوفف اشي حواليا فكرت بدي اموت او انعمي او مش عارفة ايش يصيرلي بعدها مرت الايام اسبوع لانا بصير معي نفس الاشي بالمدرسة يومها كنت عارفة انو رح يغمى عليا لانو برضو بطلت اشوف يلي حواليا فعدت عالكرسي وحكيت لصحبيتي ولحظات واعمى عليا وما بصحى الا وبلاقي المديرة والمعلماات حواليا وبعدها رحنا لكذا دكتور واكتشفنا اني مريضة بمرض مزمن من يومها بطلت اتقل ع حالي الدراسة وبطلت اعطيها مجهود كبير وخلصت عاشر بمعدل 92 من اصل معدلاتي العالية قبل واقنعت نفسي وتمب اقنغتني انو ظروفك هيا ما خلتك تزبطي وبس غير امي وابوي واخوتي بيعرفوش عن مرضي فاقنعناهم انو المدرسة امتحناتها صعبه ووصلت 11 وصارت اكتر من مرة يغمى عليا مرة بالسوق بالمحل مرة ب.. المهم مريت بعدها بكمان ظروف انو أكتر معلمة بحبها ما درستني بحادي عشر فكنت اكره معلمة حادي عشر فيزيا وكل ما ادرس اعيط على حالي وعلى معلمتي ع انه كان لازم ما اتعب حالي وكله بيأثر ع صحتي فصارت دراستي ما بتتعداش2 بالمية وكلها عالتخت وعياط وخبصت ونزل معدلي ل 82 والفصل الثاني بحادي عشر ما كنت ادرس بالمرة ويا دوب وكان عنا ظروف تانية فكنت احكي انو بشد حيلي بتوجيهي والمهم توجيهي ووصلت توجيهي وبديتها اول اسبوعين دراسة ووتمام وبعدها فلتت وتراكم عليا وهي الفصل لتاني اجا ومكوم عليا فصل اول وصرلنا اسبوعين بالفصل تقريبا منهم 3 ايام دراسة وباقي لعب وشغل ملف انجاز حسب ما بقنع حالي المهم انا ولا كاينة اتغير حاسة كل الي مريت فيه خلاني بليدة وبدون احساس مع انه في تحسن اكتر بمرضي وضايلي صورة بشوف اذا بنبدا نخفف العلاج ما عنديش حافز من جواي واذا درست باكملش وبطلع عالكم الهال وبوقف مع انو حلمي ادخل برمجة ومعدلها مش عالي فكني بحكي لنفسي اني مدرسش بحاول اغير من نفسي واجت فترة ملف الانجاز وامي قاعده تحكيلي اني رح ارسب وقدام خواتي ومرة اخوي فانا قرفت حالي انا بدي اتغيربس عنيدة بحبش حد يفرض عليا اشي وبقدرش اسهر ولا اصحا قبل الفجر ادرس لحتى ما حدش يشوفني المهم بدي ابدا اشتغل ع حالي بس مش عارفة كيف ابدا وبايش مع العلم اني علمي انصحوني وحفزوني بركي ربنا ببعتلي رسالته ع ايد حد فيكم مع اني دايما بحس ربنا معي ولما اكون متضايقة او زعلانة بهديني وبعتلي رسائله وبس بحس حالي مش قد الاشي ومرات بحكي يلي ربنا بيحرمه من اشي بيبعتله اشي تاني حاسة انه رح اتوفق واجيب معدل عالي بس بدي ابدا اشتغل ع حالي صح فساعدوني كيف ابدا وبإيش كتير مواد بدي شغل فيها وما باخد خصوصي فبدي اشتغل اكتر عحالي طولت عليكم سامحوني
شارك في الاجابة على السؤال
يمكنك الآن ارسال إجابة علي سؤال
![علم United States](https://static.hellooha.com/revamp/assets/flags/us.png)
كيف تود أن يظهر اسمك على الاجابة ؟
- الدكتورة سناء مصطفى عبده اهلا بك يا ابنتي واعتقد انك عرفت السبب لوحدك، فأنت قلت انك عنيدة وما بدك تردي على أحد. ولكن استغرب منك بكل هذا الذكاء ولا تعرفي اجابة سؤال جدا مهم وهو ما سيجعلك تقرري ماذا ستفعلين، وبالمناسبة انت فقط من ستتخذ القرار ولكن نحن نساعدك على فتح عيونك على امور انت غافلة عنها، والسؤال هو: لماذا تدرسين؟؟ ولماذا يجب ان تنجحي؟؟ وماذا يعني لو دخلت برمجة؟؟ وماذا تريدين من هذه الدراسة، هذا هو السؤال الجوهر ان اجبت عليه اختفت كل العلة، بوالمناسبة امك واخوك وابوك لن يأخذوا من امر دراستك ونجاحك شيء لك، القرار قرارك والحياة حياتك، اما تقررين ترسبي وتبقي في البيت وياتي شاب مثلك غير متعلم او ربما متعلم ويتزوجك وتنجبي اولاد وتصبحي امرأة تقليدية وتقومي بالمهام التي تقوم بها الامهات حولك ومع كل حبي واحترامي لهن، وانا شخصيا امي الله يرحمها كانت منهن وبكل فخر، وان واجهت صعوبة في تربية اولادك تجتهدي او تذهبي لجارة او لامك او تدعي زوجك يحلها. او تقرري ان تنجحي وتدخلي الجامعة وتتفوقي وتعرفي ما تردين من حياتك وتعملي وتكوني متعلمة ومستقلة مادية وصاحبة قرار وتسافري وتعرفي ما في الحياة وتقرري الزواج بارادة قوية من شاب يناسبك وتحققي معه هدفكما في الحياة وتكوني ام مثقفة ومتعلمة وتساعدي اولادك وتعرفي كيف تتعاملين معهم بطريقة فيها وعي وثقافة وعلم، القرار كما قلت لك اجيبي عن سؤالي وقرري، وربي يوفقك وان قررت الدراسة اخبريني واساعدك ببعض النصائح
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات مدارس وجامعات
احدث الوصفات
احدث اسئلة مدارس وجامعات
اسئلة من بلدك
احجز استشارة اونلاين