توجيهي رسبت ثلاث مرات مع العلم اني من الاوائل

انا الان توجيهي فصل رابع رسبت ثلاث مرات مع العلم اني كنت من الأوائل بالمدرسة بس بالتوجيهي كل شي تغير و بطلت اقدر ادرس و كرهت دراستي و كرهت حالي بشكل مش طبيعي كل فصل بحكي لازم انجح لانه عندي حلم انه اصير ممرضة بس انا مش قادرة اتحمل و مخنوقة و حاسة حالي عاجزة و علي ١٠ مواد و مش ضايل الا شهر للامتحانات و انا لسة مش خاتمة ولا مادة و بدرس باليوم صفحة و حدة اكثر من هيك ما بقدر و بس ابلش دراسة بحس روحي بدها تطلع و بنعس و بحس بملل و بدرس غصبن عني و بحب اصحى ع الفجر ادرس بس بطفي المنبه و برجع انام و انا كل مسؤوليات البيت علي لاني اكبر شي و انا كثير حابة انجح و الله تعبت من كلمة راسبة و تعبت و انا اشوف احلامي بتنهدم قدامي و صرت انسانة باردة و بطلت اهتم بشي نفسي انجح و نفسيتي تتغير للاحسن مشان الله احكولي شو اعمل انا عنجد بدي انجح بدي استغل اخر فرصة لي بدي ارجع اكون من الاوائل و انجح بمعدل عالي و ادرس بالجامعة تمريض صار التوجيهي مرض و كوابيس بالنسبة لي و الجميع بدهم اياني انجح و اقدر ظروفهم و اتحمل ضغط المسؤوليات و ضغط الدراسة و اعطيهم و اتحمل و اضل ساكتة و دايماً انا فاشلة بنظرهم بدي انجح و احقق احلامي بدي اتخلص من العجز و اليأس و الخوف و التوتر بطل عندي مشاعر صرت اكره اختلط بالناس دائماً بحب اضل ساكتة و ما اشوف حدا و ما احكي مع حدا ما حدا حاسس فيي بفكروني بتدلع اذا ما نجحت ممكن اموت لاني كرهت حالي و كرهت الحياة لانه حياتي اهم شي فيها احلامي و دراستي هاض اهم شي بالنسبة لي .