أخاف أن يضربني بعد الذي فعلته معه

انا اخر ٣ شهور كان عندي اخويا من شهر سوو فيني مقلب جابو واحد يبي يتضارب معي وذا الشخص معروف انه قوي يبي يتضارب معي لاني ضربت خويه طبعا هذا كله مقلب وهم الي كانو يتكلمون من حسابه المهم بعد ما دريت انه مقلب صورو المحادثه بس م نشروها طبعاً لكن خلوها عندهم بجوالاتهم المهم صرت اقولهم انكم ما سويتم المقلب هذا الا لانكم غيرانين مني بعدين جا واحد منهم عمره ١٧ فصل ثالث ثانوي عنده اخ اصغر منه بكبري المهم ذا ابو ١٧ صار يسبني ويغلط جيت انا سبيته نفس السب وزودت اخر شي قلتله يا”اسم ديرته” يعني ذبيته باسم ديرته ، الكلام ذا كله بالجوال مافي شي وجه لوجه ، المهم الولد عصب بعد ما ذبيته باسم ديرته وصار يبي يتضارب معي قلتله حنا اخويا وش نتضارب وما نتضارب عيب ، طبعا هو واخوه الي اصغر منه معي بالمدرسه اخوه الاصغر منه معي بالفصل المهم الا يبي يتضارب وتواعدنا بعد كم يوم شفنا بعض بالمدرسه كنت انا بالحمام، دخل هو واخوه الصغير الي معي بالفصل وخويهم الولد مسك منديل نظف فيه وجهه ورماه علي بس ما جا علي ولا لمسني جا جنبي عالارض واخوه تفل بالارض قدامي قلتله طيب طيب بالطلعه لحالك تعالي راس ع راس بعدين صار في سب ودفدفه بس فرقونا الي بالحمام ، بعدها بشوي شفته تاكي ع الدرج ياكل صرت اناظره واقوله بلحالك ها قالي طيب لا تناظر جيت قربت عليه قلتله انا اناظر وين م ابي صار يقوم ويسب بعدين حاول يشوتني بس ما قدر مسكتله رجله وبعدها ضربته ضرب قوي كسرتله انفه وورمتله عينه انفصلت اسبوع ونص او اسبوعين تقريباً بعدها جت الاختبارات صرت اروح اختبر عند مكتب الوكيل بدون محد يدري عشان لا يصير شي جا يوم من الايام كنت واقف قدام مكتب الوقيل انتظر الناس الي عنده يطلعون بعدين وانا انتظر جا اخوه الي اصغر مني الي معي بالفصل “طبعا هذول الاثنين كانو اصدقائي” المهم ناظرت فيه وقلتله السلام عليكم ناظر فيني وابتسم كذا ابتسامه خفيفه طبعاً داخل المدرسه م يقدر يسويلي شي لانه بيروح فيها لو مد يده صار كذا يقرب علي بس كان معه خويه مسكه هو بس يسوي نفسه بيضارب يعني ولا هو م يقدر المهم بعدين انا دقيت الباب على الوكيل ودخلت قعدت عند الوكيل انتظر يطبعلي الاختبار بعدين دخل هو وخويه بس بقو واقفين م قعدو “انا كنت قاعد” بعدين الوكيل طبعلي الاختبار ووداني غرفه بجنبه اختبر فيها بلحالي عشان اركز رحت وكانت الغرفه جنب مكتبه بعدين دخل صديق اخو الي ضربته مرتين يناظر لو انا موجود بعدين طلع وقال تراه داخل ، فتح الباب اخوه وطالع فيني وما تكلم بس سوا حركه الي يويلك عرفتو هو م فتح فمه بس صار يأشر باصبعه وانا اقوله طيب طيب بعدها ب ١٠ دقايق دخل واحد كان خويي بس طلع وصخ وقلي علي ووقف معهم قلي لا تطلع من المدرسه تراه برا بيضربك ما قلت شي ولا عبرته بعد ما خلصت الاختبار سلمت الورقه للوكيل وقلتله تراه برا يبي يتضارب معي ويومها كان برد قالي يا ولدي محد بيستناك بالبرد ذا راح ناظر من الشباك م لقى احد مع كذا نزل معي وداني الين بوابه المدرسه احتياطاً طلعت بالسياره وفعلاً ما كان في احد ومشيت ومن يومها للحين وانا خايف يعني مثلا في مول او مطعم او قهوة او اي شي قريب من بيتي وبيته اخاف اروحله واشوفه هو او اخوه بالصدفه ويضربوني حتى في نادي انا مسجل فيه موجود فيه واحد معي بالفصل من اصحاب اخو الي ضربته صرت اخاف اروح النادي القاه هناك يضربني او ينادي اخو الولد يجي يضربني “اخو الي ضربته معي بالفصل كمان لاكن انا غيرت المدرسه لاني انفصلت” وحتى اليوم كان من شلتنا خوي الي ضربته شاف ستوريي “انا حسابي سويته برايفت بعد المشكله وسويت ببلك من كم يوم وهو شاف ستوريي اليوم “انا اعرفهم من ٣ اشهر والسالفه هذي صارت من شهر” وشكراً