اليوم رسبت في الثانوية !

مساء الخير اليوم كانو نتائج التوجيهي وانا رسبت ما بعرف ازا بقدر اقدم اكمال يعني ازا رسبت بماده او مادتين بعيدهم وبنجح اما ازا اكتر برسب كل السنه و بكره تسليم كشف العلامات واليوم بس النتائج وانا مقهور كتير وفش حدا احكيلو الي بقلبي لاني مبين لاهلي انو عادي ومش اخر الدنيا عشان امي ما ترعل وتنمقت انا والله درست وحرمت حالي وتعبت متلي متل اي حدا نجح وتوكلت على الله بس ما نجحت ليش يعني ما نجحت ليش حرام افرح متل كل صحابي طول اليوم وانا نايم من القهر ومش عارف اقرر شو اعمل لو كنت راسب بالسنه كلها اعيد السنه ولا ادرس مهني والله اشي بقهر والله انا بس نفسي افرح اهلي والله بدي النجاح بس عشان امي وابوي يفرحو وكتير ناس نجحو بعرفهم وانا اشطر منهم كيف هيك صار يا ربي وليش يعني انا مكتوب علي اضل حزين طول عمري لا شكل متل البشر ولا نجاح متل البشر ولا اشي وبكره رايح اشوف كشف العلامات يا رب ادعولي بترجاكم ببوس اديكم مشان الله تدعولي يطلع علي ماده او مادتين بس واقدر اعيدهم وانجح وادخل مع صحابي الجامعه ادعولي مشااااااااااان الله تدعولي والله بدي امي تفرح بنجاحي دايما بتحكيلي نفسي اشوفك ناجح قبل ما اموت. يا رب بس مشان امي وفقني وخلي بس ماده او ماداين علي واعيدهم يا رب وشكرا لموقع حلوها عشان بسمحلنا نكتب ونفضفض لبعض وشكرا