كف اتعامل مع زميلي الذي يحاول ان يجبرني على صداقته
![كف اتعامل مع زميلي الذي يحاول ان يجبرني على صداقته](https://static.hellooha.com/revamp/assets/imgs/logo-desktop.png)
السلام عليكم انا ولد عندي ١٤ سنه مشكلتي مش كبيرة لكنها بتضايقني مشكلتي في حد معايا في المدرسه عايز يصاحبني وانا مش عايز نبقى صحاب هو شايف ان هو كده يعني بيعملي جميل لاني معنديش صحاب بس انا اصلا اللي اخترت ده انا مش بقول انه وحش بس هو تقيبا فيه كل الصفات اللي مش هقول بكرهها بس هيكون صعب ان انا اتعامل معاه مبدأيا هو بيلزق فيا بشكل مش طبيعي انا مبحبش ان انا اكون دايما لازم اتكلم انا من الاساس هادئ او انطوائي مش مهم يعني بس دايما بيرغمني اتكلم معاه وصوته عالي جدا نصحته اكتر من مره انه يوطي صوته لكنه مبيرحمنيش تاني حاجه و دي بجد حاجه مزعجه انه سلبي بشكل مش طبيعي دايما في كلامه مبيحبش غير انه يشتكي انا معنديش مشكله انه يفضفض معايا تمام لكن هو كل يوم في نفس المشكله فبدل نا اعمل حاجه بحبها بيحاصرني بمعنى الكلمه وبيبدأ يتكلم حولين نفس المشكله حاولت انه ميبقاش قاعد جنبي بس للاسف انا لوحدي في الديسك فهو بيقعد جنبي بالعافيه وهو عصبي جدا ودي حاجه رخمه بجد لانه ياريته بيتعصب عليا وخلاص لا بيضرب الديسك وبيعمل دوشه رهيبه واللي معايا في الفصل بيشجعوه يقعد معايا وياه بقى ده حشري جدا مثلا البنات اللي في الفصل بيتكلمو في حاجه وعامليين مسابقه ما بينهم احنا بقى كولاد مالنا فجأه هو بيروح يجاوب حتى لو محدش فيهم قاله يجاوب وبيدخلني معاه وانا بقى مليش في الكلام ده وبخاف بصراحه ان الناس تقول عليا صاحبه لان انتو عارفين دايما الصحاب لازم يبقوا شبه بعض اي ان لو هو بيتقال عليه انه مثلا قليل الادب هبقى انا كمان زيه حتى لو انا مش كده بس بعيدا عن كل الكلام ده علشان ده لسه في حاجات منيله هو بصراحه طيب والي حد ما محترم بس مش اوي بس انا مش عايز نبقى صحاب ومش عارف ابعد عنه
شارك في الاجابة على السؤال
يمكنك الآن ارسال إجابة علي سؤال
![علم United States](https://static.hellooha.com/revamp/assets/flags/us.png)
كيف تود أن يظهر اسمك على الاجابة ؟
- الدكتورة سناء مصطفى عبده اهلا بك يا ولدي واصبت في بعض النقاط واخطأت في اخرى، نعم احسنت ان لا تتدخل في امور غيرك وان تختار اصحابك بعناية فالصاحب ساحب والخل على دين خليله، ونعم يجب ان تبقى محترما وحذرا في اختيار اصحابك. ونعم الايجابية والاستفادة من الوقت امور حسنة وطيبة. وتجاوزت الصواب في انك تحب العزلة والانطواء ولهذا اريد ان انبهك لامر هام وهو ان التعامل مع الاخرين ولنسميهم زملاء دراسة امر ضروري جدا لتنمية شخصيتك الاجتماعية في هذه السن ولهذا ارى ان عليك تغيير هذه النقطة لتندمج مع مجموعة اخرى من طلبة الصف وتحاول تغيير مقعدك لتجاور شاب اخر مثلا، وتختلط بحذر مع الزملاء ليندمج هو معهم كذلك. وكما ان اهماله وعدم الانصياع له امر جدا ضروري وخاصة ان لديه بعض الصفات السلبية، لا تخاف منه ولا تقلق على اي امر الا سلامتك انت وراحتك انت وحتى لو اعلنت بالصوت العالي انه ليس صديقك، تجاهله وابتعد عنه وخاصة ان لم يستجيب لنصائحك في خفض الصوت والاحترام الاخرين، فقل له صراحة ان هذه صفات لا تناسب من ترغب في مصداقته. كن قويا ولا تسمح له بالسيطرة عليك، وبما انه ياتي ليجلس بجانبك بدون استئذان انت انسحب وابتعد عنه كذلك وبدون استئذان، وان لم يعجبك انه زميلك على المقعد قم وقف واخبر الاستاذ ان هذا لا يناسبك وتريد ان مقعد اخر او تغيير مقعدك او تبقى واقفا او تغيّر مكانه وقل له انك لا تريد ان يجبرك احد على صداقته. من حقك ان تكون مرتاحا ومن حقك ان لا يتم ارغامك على امر ونصيحتي لك اندمج مع الزملاء بسطحية وحذر ولكن لا تبقى منعزلا منطويا ووحيدا، وتذكر انه لا يوجد انسان متكامل بدون عيب ولكن ابحث عن الجوهر الصالح فيمن تتعامل معهم وربي يوفقك.
في هذه المواقف يا بني يجب ان تكون حكيما في اختياراتك وتصرفاتك لتصل لما تود توافره حولك من اجواء في اي علاقة تمر بها ويكون بالتحدث مع زميلك بما تحويه شخصيتك وما يمكنك تقبله وما لا يمكنك تقبله اي ان هذه الامور التي يقوم بها ان لم يعدل عنها فلا يكون امامك حلول اخرى الا الابتعاد عنه تماما
طبعاً من حقك ان تبتعد عنه إذا كنت ترى انه ليس شبهك او اخلاقه و تربيته مختلفة عن اخلاقك و تربيتك ، المرء على دين خليله فلينظر أحدكم من يخالل ، إستمر فى إخباره انك لا تريد تكوين صداقات وانك ترتاح اكثر وانت وحيد ، واذا استمر فى مضايقتك ، اطلب من مدير المدرسة نقلك إلى فصل آخر .
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات مدارس وجامعات
احدث الوصفات
احدث اسئلة مدارس وجامعات
اسئلة من بلدك
احجز استشارة اونلاين