عانت بحياتها من بعد سقوطها بالمدرسه

السلام عليكم ورحمه الله وبركاته.. انا الحمد لله ماعندي مشاكل بس المشكله الي بطرحها لكم هي مشكله صديقتي هي بنت عانت بحياتها كتيير بدائه بسقوطها بالمدرسه وبعدين بسبب فضيحه انها تكلم شباب واهلها يعاملوها ك مجرم من ذاك الوقت مو مهتمييين فيها ابد.. وانا اعرف هالشئ لاني قريبه شوي منها.. هي ماتتكلم ابداً عن مشاكلها بس انا اعرف بالصدفه.. المشكله انها تحب تعمل اشياء تلفت النظر وتحب تعيش دور المجروحه واشياء خطأ مررره يعني تكلم شباب من مختلف النواحي يعني اعدادهم كبيره لدرجه اني احياناً اقول تسوي الي تبغاه دام عقلها براسها بس ماتهون عليا ان حياتها تتدمر اكتر من كذا هي تنافقني كتيير مع انني مو متساهلها معاها.. انا جديه دايماً ، طبعاً قبل كم شهر عرفت انها تكلم شخص من مدرسه بنفس فصلنا بس فرع البنين المهم وهي تكلمو وكذا خرجت شائعات بالمدرسه انها تكلمو وانها توصل اخبار الشله الي معاها لهم بس هي كذبت كل شي وقالت انها ماتدري عن شي البنات صدقوها وبنفس الوقت طلعوا اشاعات انو الأولاد في هذيك المدرسه يقعدوا يلاحقوهم ويراسلوهم طبعاً كل شي بدأ بهدوء وبينهم ، الين ماقالت لي واحده منهم انو حصلت معاها هدا الشي وانو بدأ الولد يطلع عليها كلام وصخ بسبب انو البنات طلعوا عليهم الإشاعات، انا خفت عليها كتييير ودخلت للولد الخاص وقلت له انو هي مالها في ده الموضوع وانو بس كلو كذب.. وهو صدقني وقال انو مابذكر صديقتي بأي شي بس بشرط انو تقول اسماء البنات الي تكلموا عليه هو واصحابه.. قلت له بعطيك اسماء البنان بس لا تذكر صديقتي قال تمام وانو يعتبرني زي اخته.. انا ماعرفت البنات عرفت شويه منهم بس ماكنت ابغا اعطيه اسمائهم لانهم بالنهايه زميلاتي مايصير اشوه سمعتهم.. بدأت اراوغ واضيع وقت وكذا الين مااقنعته انو بالنهايه هم بنات مايصلح انساهم وخلاص وكذا هو قال خلاص بس ي ويلهم يعيدوها ولا بيدخل المدرسه والأخصائيه الإجتماعيه بالموضوع قلت له خلاص بس وكذا.. قلت الحمد لله خلصنا من القصه.. الين قبل فتره دخل خاص وقال انو البنات بيطلعوا عليه وعلى اصحابو اشاعات وكان يتكلم وهو يسبهم وقال انا ابن ناس ومثل ماهم خايفيين على سمعتهم انا كمان ماابغا سمعتي تتشوه بشويه بنات ***** وقال اذا ماكلمت هاالبنات يوقفوا ويعتذروا بيدخل المدرسة بالموضوع ويبهذلهم..فقلتلو انو صديقتي مالها دخلت بالموضوع والبنات بحاول اتواصل معاهم اذا قدرت لاني مو مقربه منهم.. انا صحييح مالي دخل بس اخاف يدخلوا صديقتي مع انها عندها سوابق مع الأخصائيه والشباب وحياتها من قبل تدمرت بس رجعت لهذيك الحركات من جديد وهي كمان تحب واحد وخربت خطبته على وحده تانيه فتنت بينهم، وتجلس احياناً تخلي صديقاتها يدخلوا يترجوا ويتوسطوا ويقولولو انها تحبه وكذا ايش اسوي بكذا موقف ماابغا اتدخل واجد وماابغا اخليها .. قلت اقول للولد انو طز يسوي الي يبغاه حتى انو مابيقدر يدخل المدرسه لأنو احنا في إجازه.. بس قلت ممكن يسوي اي شي.. البنات الحين ماعاد يهموني واجد لأنو هو كمان يعرف بعض الأسماء تهمني صديقتي اخاف يدخلها بالموضوع ويبلشنا معاهم.. انا اقدر اطلع بسهوله منها بس صديقتي كلما اكلمها بها المواضيع تقول انو مالها اي دخل وتبدأ تبكي مع اني ادري انها قاعده تكذب.. شسوي؟.. اخليهم واروح ولا شلون؟.. شكراً لكل من قرأ لحد هنا.. ❤