هل العلم الدنيوي حرام؟

ساعدوني ارجوكم مشكلتي انه هل العلم الدنيوي حرام ؟ نفسي حدا يفهمني كنت من الأوائل وكنت واعيه كتير انه العلم الدنيوي مهم للبنت قبل الولد وكان يبعدني عن طريق الحرام لاني دايما مشغوله بين الكتب وهيك كنت مقتنعه يعني لو ما ادرس اكيد رح اضل احضر مسلسلات واغاني وافلام وغيبه ونميمه وقررت اختار طريقي في الدراسة ولكن اهلي كانوا متشددين وانهالاختلاط حراااام وانا ابدا مو معهم لانه عند الكعبه في اختلاط وفي كل مكان في اختلاط وبالنسبه الي الشخص هو بقرر يتصرف غلط او صح بس من كتر الافكااار الي حولي انه الدراسة حرااااام فقدت نفسي والله العظيم بحس حالي ضايعه وفي فتره تركت دراستي تقريبا سنتين ولحبي وايماني الكبير اولا بربنا ثم بالعلم انه مهم ارجعت كملت وهلا عمري 23 وضايلي سنه وبدرس محاسبة وعمري ما فكرت انه اشتغل في بنك او في شركات التأمين وبالنسبه الي في الجامعة ما عندي زماله وصداقه مع اي شب ابداااا ازا في شغل مع اي شب خلص مجرد ما انتهى الشغل وجود الشب بنتهي من حياتي يعني بعرف حدودي كتير منيح وبنفس الوقت مو تعقيد وكلها احترام وبس وهيك رح اضل بس اتخرج ان شاء الله بس المشكله همتي في الدراسة صارت صفر بحس انه كل شي حراااام والله بدرس حتى وبطلت اجيب علامات وانا طموحه ونفسي اكمل ماجستير والحمد ملتزمه في صلاتي بس انا بشوف الدراسة بتبعد عن كل حرام وعن كل لهو ليه خلوني اتعقد منهاااا ودايما حاسه حالي ضايعه وكمان لا سمح الله ما بتخليني احتااج اي حدا .