وضعت نفسي في دوامة القلق والخوف

السلام عليكم انا بنت اعتذرت عن دراسة هذا الترم ومن خلالها بحول تخصصي انا وحده لا امدح نفسي لكن درجاتي في التخصص حقي الان جدا كويسه الحمدلله انا وحده كنت جدا متفوقه في دراستي اعتذرت هذا الترم لاني تعبت نفسيا انا الي يتعبني انه انا اخاف جدا اني احمل ماده او اتعثر مع ان درجاتي نص السنه كويسه مره لكن دائما يجيني الخوف والقلق وانا تخصصي الحالي اغلبه حفظ حفظ كثير وانا اتعب من الحفظ انا من النوع الي مره ياخذ الشي على محمل الجد اخاف انقص او اخاف مااحل زين في الاختبار مع اني اذاكر واشيل هم قبل الاختبار او تسليم واجب قبلها بفتره حتى اهلي طفشتهم مني احس ماستمتع في حياتي اشوف زميلاتي جدا عادي عندهم مستمتعين يروحون يجون ماشاء الله انا حطيت نفسي في دوامة القلق والهم لاني من يوم انا صغيره وانا كانت درجاتي عاليه فكنت ازعل مره واتضايق اذا جبت درجات ناقصه المهم بعد مااستخرت اعتذرت ارتحت وقلت انها خيره من ربي وانا مستعده من اني احول تخصصي وان شاء الله ربي بيكتب لي الخير لكن هذي اليومين يجيني شعور اني لما بحول تخصصي اقول لنفسي راح اتأخر مابتخرج مع صديقاتي امكن تحملين ماده في هذ التخصص وتتأخرين زياده على اني راح اتأخر سنه واقول بطول في الجامعه وانا جامعتي شوي صعبه يعني يجيني شعور كأني اتندم عن الاعتذار لكن انا قبل ما اعتذر كنت مقتنعه ان التخصص الي بختاره ان شاء الله افضل واسهل و كنت جدا عادي في البدايه لما اعتذرت اقول لنفسي مو انا اول وحده ولا اخر وحده تغير تخصصها او تتأخر وامكن هذي خيره من الله كنت جدا مقتنعه لكن هذي اليومين جاني تفكير سلبي لدرجة ابكي اقول خلاص مابكمل دراسه شوي ارجع نفسي تهدأ بعدين شويه ارجع افكر وابغى ابكي بحرقه كأن احد مت لي انا جيت هنا افضض اتمنى تكتبون لي عبارات ايجابيه تحفزوني وتريحوني الله يجزاكم خير