يحبون أختي التوأم أكثر مني

السلام عليكم مشكلتي اني دايما مظلومة في البيت بيني انا و اختي التوأم دايما يوقفوا معا ضدي يعني لما مثلا هي تسبني وكذا... امي ما تقول لها شيء ذا في حالة إذا سكت انا و مارديت عليها وأحيانا من جد اعصب و اقوم عليها امي تجي تقول عيب هي اختك و ماادري ايش (يعني قاعدة تدافع عنها) أو تقول تقابحني(توبخني ).. وكثيييير ما يسمعوون رأيي في البيت يعني لما اقول شي الاقي نفسي في النهاية اكلم الجدار ..وايضا بما اننا تؤام فاكيد تجيك تعليقات مثل من الخوافة و من الاشطر وكذا طبعا من و انا صغيرة ينادوني بالخوافة و الجبانة مع انو كنت أخاف من أشياء طبيعية اي طفل ممكن يخاف منها بس لانو اختي جريئة و تتكلم قدام الناس بشجاعة و انا لا.. لحد ما الان دخلت الجامعة صار عندي رهاب اجتماعي وضعف شخصية و لحد الآن ما كونت صداقات في الجامعة و دايما وحيدة بسبب هالشي بلييز ساعدوني ايش اعمل معهم الحين.. من خلال طرح عندي مشكلتين الرهاب و تعامل اهلي انا ابغا حل تعامل اهلي لانو بصراحة الرهاب مهما حاولت فيه ما انحل جربت كل شي ولا شيء نفع