خائفة أن أعترف لأمي أني أعاني من مرض نفسي

السلام عليكم، باختصار شديد وعنجد انا انسانة بحاجة لطبيب نفسي! صح انه بقيتش ماخذة الامر بجدية واخذلي كثير وقت لاستوعب كيف حياتي ماشية بس عنجد خلص لازم احط حد لهيك حياة! لدرجة احيانا صرت افكر انه لي انا عايشة مدام كل حياتي رح تظل هيك ورح اظل انسانة فاشلة كل العمر! بالاول بقيت بدي اشوف طبيب بدون ما اقول لاهي ولا لحدا يعني اروح بالسر بما اني قطعت ال ١٨! بس بعدها فكرت وقلت رح يكون كثير صعب كل مرة الاقي حجة لاطلع لهيك محل يمكن يكون بعيد (على الرغم من انه معي سيارة) واساسا مش عارفة كيف دتوجه ولمين لحتى يساعدني بالاخر فكرت اقول لامي بس خايفة من ردة الفعل انه يمكن تفكرني بتهبل او ما تاخد الاشي بجدية ونا عنجد كل يوم بضل مخنوقة بتحملش يبقا انسان حولي بحب ابقى لحالي بطلعش من الغرفة ايلا لما الكل ينام بتحملش الناس الموجودين بالدنيا بديش حدا بها الحياة بدي اظل لحالي كل العمر! والله مش عارفة شو اعمل وكيف اتوجه لامي... (الي حابب يتفلسف يخبي فلسفته لنفسه الواحد مش ناقصه) وشكرًا ♥️