صديقتي غدرت بي وجعلتني أفقد الثقة بالناس

أنا كنت أثق بصاحبتي و طلعت مش أهل للثقة، كانت بتحكي عني و كل اخباري توصل للجميع بالشركة، و طبعا مش بس هيك كانت بتنم بيني و بين البعض و خربت علاقتي مع الكل الا معها، المهم هلا أنا صرت بارت تايم و صرت بالبيت وقعدت افكر مع حالي و طلعت انا الغلطانة و السبب في كل اللي صار .. و بعد ما صرت بارت تايم كانت تحكي معي تلفونات كتير، و صارت تحكيلي انه البنت اللي خربت بيني و بينها إجت بسمعتها و انا مستحيل اصدقها حتى لو شو و قطعت علاقتي فيها نهائي خفت على حالي تألف عليّ قصة .. المشكلة انه انا هلا ما بثق و لا بحدا غير أهلي، و باقي الناس بشك فيهم بقول بعقلي مش صادقين حتى لو شو ما حكوا .. كيف أصير ابني علاقات سليمة مع الناس ، و ابطل اشك و اكذبهم و كيف بقدر اوصللها اني عرفت حقيقتها بدون تجريح.. و شكرا كتير و آسفة اني طولت