الكسل سيدمر حياتي

انا حياتى بتضيع بسبب كسلى طول النهار نائمه على السرير صاحيه مش بعمل حاجه غير انى ماسكه موبايلى . انا حاسه انى بقيت مدمنه . مش طايقه نفسى وبقرف منها لانى حاسه انى فاشله . انا عندى ٣٠ سنه وعندى طفلين فى المرحله الابتدائيه وزوجى طول النهار فى شغله أو فى الجم أو مع أصحابه البيت اخر اهتماماته غير متعاون فى اى شيء غير المصاريف ومش للدرجه أيضاً . انا بساعد فى مصاريف البيت من شغلى الخاص إلى بنيته بتعبى ومجهودى وذكاءى من خمس سنين من خلال اختى الى وثقت فيا وعملتلى المشروع وسبتنى أديرة بعد ماكنت هدخل فى مرحله اكتئاب من اهمال زوجى . بالمناسبه انا وزوجى حب خمس سنوات قبل الزواج ومازلنا بنحب بعض جدآ وعلاقتنا روعه لكنه مهمل معايا مفيش اهتمام ولا فسح ولا كلام ولا تحمل اى مسؤوليه . مبقتش اروح شغلى وبعد ما كان بيتردد اسمى الناس نسيتنى وبقت تفتكر المساعده هى المسؤوله ولا بذاكر مع اولادى بالقدر الكافى ولا اهتمام بأكل ولا بالبيت ولا بالصلاه انا بضيع وعندى لا مبالاة . نفسى اصحى بدرى وانام بدرى واهتم ببيتى وشغلى الى بمشيه بالتليفون تيجى فى بالى أفكار مبتكرة ابلغهم بيها ينفذوها وانا فى البيت ارجوكم حلوووها