أمامي خياران إما القبول بهذا العريس أو الشكوى على أهلي لحماية الأسرة

مسجونة ومكبوتة شوفولي حل مع اهلي انا سعودية قصتي طويلة عريضة باحاول اختصرها بذكر اهم المعلومات .. تخيلوا... اهلي معزولين عن العالم الخارجي يعني غير اجتماعيين مايزوروا احد واذا احد بغى يزورهم في بيتهم يتهربوا ويقولوا مشغولين وزي كذا لين انقطع الناس عن زيارتهم وخاصة الاقارب بسبب ان بيتنا مافي غرف خالية للضيوف وبسبب العزلة انا انطوائية من صغري للاسف اهلي مايطلعون ويطلعوني للتمشية الا نادرا وما يجيبولي كل الاشياء اللي احتاجها لما كنت اداوم يعني مايهتمون فيني وهالشيء سبب لي مواقف واثر على نفسيتي ودراستي وبسبب هالشيء تركت الجامعة وراحت علي قعدت في البيت لين اصابني مرض واصبحت اعيش بالأدوية وهنا تعبت نفسيتي اكثر والمصيبة ان اهلي ماتغيرت معاملتهم لي حتى بعد المرض وما يقصروا في الايذاء النفسي بتوجيه كلام وانتقادات تجرحني يشهد الله اني صبرت على اهلي وتحملتهم بما في الكفاية حتى لما يغلطوا علي اكون متسامحة على امل انهم يتغيرون لكن للاسف مافي فائدة وضاع عمري ومستقبلي فكرت وقررت ابحث عن شريك حياتي عن طريق مواقع التعارف في الانترنت وطبعا بغيته يعطيني حريتي ويثق فيني ولاني ماعشت حياتي كان اهم شرط تأجيل الانجاب على الاقل وللاسف طلع اغلبهم يشوفون افلام اباحية ويبغوا يطبقوا كل اللي يشوفوه في هالافلام للاسف الشديد اعتقد هالنقطة واضحة جدا ومافي داعي ادخل في التفاصيل واشرح اكثر انا عارفة الحياة الزوجية زين وعارفة حقوق الزوجين لبعض وان الزواج مسؤلية لكن بغيت زوج يعوضني ويحقق لي ابسط احلامي مع علمي ان الزوج ماهو الحل الوحيد لكنه الوحيد بالنسبة لواحدة في مثل وضعي الذي لا يطاق السؤال المهم ايش اسوي الان ماعندي الا خيارين اما ان اوافق على شخص يحب الافلام الاباحية واتحمله او اشتكي على اهلي لهيئة حقوق الانسان لكني مترددة في الشكوى لان اخاف مايهتمون بسالفة مثل سالفتي ان محبوسة في البيت وقاعدة لا دراسة ولا شغل حتى فوق المرض وترى علمت اهلي ان بأشتكيهم لحقوق الانسان بعد ماعجزت من التفاهم معهم بلطف وطبعا هم شافوا كلامي من باب التهديد وهددوني بإتهامي بالعقوق رجاء خاص انا عارفة ان مالي الا الدعاء وانا ادعي دائما ان ربي يصبرني ويفرجها يعني لاحد يذكرني بالتقرب الى ربي لان عارفة وفاهمة هالشيء لكن صار لازم اتصرف بدل مااقعد مكتوفة اليدين خصوصا ان مع المرض بدات نفسيتي تدهور وتجيني نوبات بكاء ولا سمح الله انتقل لمضاعفات المرض لان بسبب الوضع اللي انا فيه ماقدرت اتعايش مع المرض من يوم تركت الجامعة وانا قاعدة في البيت اكل ونوم مااطلع ولا عندي صديقات يكلموني ويسألون عني خصوصا من ايام المدرسة لأن سبق وقلت اني انطوائية لكني قررت اواجه مشاكلي واكون اجتماعية واهلي اللي مفروض ينصحوني ويشجعوني بدل من هذا يوقفون عائق في طريقي واذا خالفتهم يتهموني بالعقوق من الاخر اهلي نكديين تكفون مو بس محتاجة للمناقشة بالكلام محتاجة للمساعدة بالفعل اكثر من الكلام خصوصا ان اسم موقعكم (حلوها) يعني مالي الا الله ثم انتم وان شاء الله تنحل مشاكلي.