كيف يمكنني التخلص من هذه المشاعر السلبية؟

السلام عليكم... صراحة مش عارفة كيف ابدا بس هاد الموقع الوحيد الي معطيني اعبر عن حالي ولو اشي بسيط، المهم انا بنت عمري تقريبا ١٩ سنة صرلي مدة طويلة شوي كثير مخنوقة عنجد وكل فترة ها الاشي بزيد ودايما بفكر باشياء سلبية! يعني مثلا دايمًا بتمنى اعمل حادث او يصرلي اشي احيانا بفكر ئذي نفسي بس بخاف من الله يمكن ها الاشي الوحيد الي مانعني عن الانتحار! في كثير اسباب الي مخليتني هيك بس انا دايما بتجاهل انه هاي الاسباب الي هي عنجد مخليتني هيك! لانه من برة الاشي مبين كثير تافه بس لما كل مرة الاشياء تتراكم الانسان ببطل يتحمل...كثير بفكر اشوف طبيب نفسي بس بتردد وفش حدا يشجعني ع هيك اشي واذا بدي احكي لحدا بشوفو الاشي كثير تافه (بما انه اكيد رح يسالوني عن السبب) ورح يحكولي عايشة احلى حياة كثار بتمنو يكونوا مكانك فش اشي ناقصك ومن هالحكي...انا بدي اتخلص من كل هاي المشاعر قبل ما يزيد اكثر واكثر واعمل بحالي اشي! كثير محتاجة نفسيتي تتغير! بس محدا شاعر فيي محدا بقدر يساعدني رح اظل هيك كل حياتي والله اعلم شو يصير... صح مش عارفة اعبر عن كل اشي بس شكرًا كثير لوجود هيك موقع♥️ وانه الي عنده كلمة زيادة يخليها اله الواحد مش ناقصه.