إليكم ما حدث معي وأنا صغيرة..!

انا بنت عمري ٢٣ سنه عانيت كثير بطفولتي وممكن بسبب هالمعاناه انا بهالحال الان ، كنت بأول ابتدائي طلبت من معلمتي اني اروح دورة المياه لكنها رفضت تماماً عملتها على نفسي و كل المدرسه عرفت هالشي بسبب الرائحة رحت لعند اخواتي بس تركوني وراحوا لانهم خجلانين مني و كنت امشي بالساحه وحيده و الكل كان يعايرني بالقذره و كلمات اخرى واشياء كثير حصلت لي بذاك اليوم بس عشان اختصر لكم مراح اذكرها طبعا كان الكل يرفض اكون صديقه له لكن كنت احاول انه يكون عندي اصدقاء مرت السنين دخلت المتوسط صار لي اصحاب اعزهم كثير كنت فرحانه لانه محد يعرف الماضي حقي بعدها دخلت بنوبة هلع شديده بسبب وسواس الموت ضليت سنين اعاني منه كنت اروح للمستشفى اخذ مهدي بسبب النوبات بعدها حصلت مشكله بيني و بين صديقاتي تركوني كلهم حتى الي ما تمشكلت معاهم تركوني عشان اصدقائهم تأثرت جداً صرت حساسه اتجاه اي شي و بعدها جاني الاكتئاب و اضطراب المزاج و دخلت الجامعه بكل هالمشاعر المتراكمه فيني نفس الشعور الي حسيت فيه بأول سنه دراسيه لي تكرر علي كنت خايفه ضعيفه ماسكه العبره درست و تعبت وعطيت كل طاقتي مع العلم اني كنت غير مجتهده ايام الدراسه كانت علاماتي ضعيفه جداً بعد اول مستوى تعبت كثير ما صارت لي رغبه اني اكمل كرهت الدراسه و الحين صار لي ٤ سنين تقريباً اكتب لكم وانا احس اني فعلا انتهيت ماعندي هدف ابغى اوصل له او حماس انا فعلا ما اشعر بإي شي البعض يمل و يرجع لكن انا ما مليت انا عاجبني وضعي و مو عاجبني بنفس الوقت لكن اهون من اني ارجع ادرس والسنه الجايه اخر فرصه لي اذا بكمل او اسحب ملفي ايش اسوي حتى الانتحار جربت كذا مره ولا قدرت لاني جبانه انا وحيده الان لا اصدقاء لا اهل يفهموني و يحسون فيني فكرت اني لو ما لقيت حل نهائياً راح انهي حياتي لانه الجبناء الي مثلي لا يستحقون انهم يعيشون