سئمت هذه الحياة وفقدت طموحي ولا أعلم ما الحل؟

انا شخصية طموحة جدا و نشيطة و عندي افكار كتير لكن وقت تطبيق الافكار بضعف و ساعات مبكملش هدفي لمجرد اني اتضايقت من حاجة معينة انا كنت برفض الزواج من اي شخص اول تخرجي من اجل العمل و تكوين حياة مهنية مستقرة.

لكن انا بقالي سنين بتنقل من شغل للتاني حاسة اني مش لاقية نفسي عاوزة اشتغل في تخصص احبه انا حاليا شغالة في شركة مش عاجبني الشغل فيها نهائي لانه اقل من طموحي و مش مرتاحة فيها .. لدرجة اني بغيب كتير و ساعات بستأذن و اروح اجيب بنت من الحضانة و اقعد بيه. لحد ما والدتها ترجع من شغلها . الفكرة اني برضو ساعات الضبح ببقى مش عاوزة اروح شغلي و اقعد مع بنت اخويا اللي خلاني افهم اني فيا حاجة غلط هو شعوري في حالة ان زوجة اخويا بتروح شغلها و مبتحبش تغييب رغم انها موظفة و شغلها مش ممتع برضو انما انا ممكن اغيب علشان اقعد مع ابن اخويا اللي هو مش ابني . نفسي حالي يتصلح و اشتغل حاجة ترضي طموحي و احبها و مكونش مذبذبة و لا فاقدة لمتعة الطموح زي ما انا دلوقت . افيدوني فانا تعبت و سئمت من الحياة .