كيف أسيطر على مشاعري وعصبيتي المبالغ فيها؟(2)

مرحبا، انا امبارخ طرحت مشكلتي عن العصبيه ، وفعلا كان الرد انو شخصيتي انفجاريه، وطبعا هاد اول مره بسمع عن هالحاله وقرات شو هي ولقيت انو كل اشي فيها بيصير فيني!؟ يعني بعصب ع شغلاتت اقل من تافه وببالغ فيها وبتصيبني حاله سب وانفجار مش طبيعي وهاد حقيقه لدرجه انو لما اعصب ما بسكت غير لما اصير اعيط واصرخ واسب وصوتي يوصل اخر الدنيا ويجي حد يمسكني ويحضني وانا بنهار من العياط ! ما بعرف قاعد بكتب وانا ببكي!؟ حاسه كانو ناقصني اشي! ؟ ما بعرف شو مالي وليش هيك بعمل!! ؟ المشكله اني مطفيه من الجميع يعني ما بيهمني اخسر حدا وهاد حقيقه ! لما كنت عند اهلي فقدت كتير شغلات وكانو اهل سلبين واول ما اتزوجت اتواصلت معهم فتره ولقيت برود من ناحيتهم بشكل كبير ولما اروح ازورهم ويصير اي موقف لو تافه انفجر واسب ع الكل مسبات لا يمكن تخيلها وحتى مرات بكفر وبيكون الموقف تافه وانا بكون دفاعيه بشكل لا يوصف!!!! وبطلت احكي مع اي حد واصلا ما حد حاول يصلح العلاقه لانو اصلا اهلي عندهم تفكك اسري فهاد اشي عادي عندهم!! المهم قررت اطفي حالي وما اسال الا ازا حد سال عني! وصارلي 3 سنين ما بحكي معهم ولا همي بيحكو معي يمكن همي صح ويمكن انا صح؟ المهم ارتحت كتيير ببعدهم بس لسا الحاله الانفجاريه معي مع زوجي بنفجر فيه ع اتفه سبب وشخصيته من النوع الصاما المستفز يعني بيكبر عقلو وانا ما بتحمل حد يسكت لما احكي او يستتفه كلامي ف ببدا بحاله الدفاع؟؟ ساعدوني ازا بدكم اي تفسير لحالتي اسالوني امانه ساعدةتي! لانو عندي طفل ومرات بصرخ عليه وبمسك حالي لاني عاطفه الامومه الحمد لله طاغيه عندي؟ وشكرا