كلنا ضحايا الحياة المعقدة ولهذا...

انا سيدة خمسينية متزوجه من خمسه وعشرين سنه ..ما بحكي بعداوة ولا بنديه ولا بكراهية ولا بدي اشن حرب عزوجي .. ارجوكم افهموني بكل بساطة التعبير .. انا انسانه بشوف الحياة بمنظوري وهذا حقي انا مو قادرة اكمل حياتي معاه بهذا النمط التقليدي وبعتقد وبأمن انه كل انسان من حقه ذلك.. انا مو قادرة اعيش معاه بهاي الطريقة التقليديه .. خلص تعبت وزهقت من دور ربة المنزل والشغل وتمسيح الغبرة والشطف والغسيل .. ما بحمل زوجي المسؤلية ولا بوجه له اي اتهام ..لانو بعمرو ما قصر بشي معاي ..كمان انا بشوف الحياة مراحل والانسان بتغير.. بس في ناس بضل ساكتة وبتكذب على حالها وبتنافق وما عندها الجراءة انها تغير حياتها وتقرر مصيرها بإيدها مع انه حق كل انسان انا ما بقدر اكون غير انا مو قادرة اضحك على حالي وعليه.. يعني انا شايفة حالي عشت سنواتي كثيرة زوجة مرتبطة بزوج وام وربة بيت و بشوف انه هذه مرحلة بحياتي مش بالضرورة اضل امارس الحياة بهذا الشكل كل عمري.. وبشوف انه صار عمري ٥٥ سنه حقي اعيش حياتي بالطريقة الي بتريحني وبشوف حالي فيها ومن حقي احكي ما بدي اقضي بقية عمري اشتغل بالبيت وانا بشوف حال بشغل برات البيت وبحقق ذاتي.. انا هيك بحقق ذاتي ما ضل اشي من عمري.. ما بقدر على البيت والشغل براتو ومن حقي اختار منطقة سكن مثل ما بحب.. وبيت مثل ما بحب ..وبشوفه مناسب لي .. ومن حقي يكون عندي مكان خاص لي ..كثير اشياء من حقنا نمارسها لكن ما بنقدر لانو مرتبطين مع ناس غيرنا ..انا برفض الارتباط الابدي.. يعني انه ييجي ببالي اعمل شغلة او اروح مكان او امارس حياتي بطريقتي يكون الطرف الثاني مش راضي .. ليه ؟؟؟ لي ارتبط بمزاج غيري ورغبات غيري؟؟ ليه ما تكون العلاقة بدون ارتباط؟؟ ليه تكون الحياة هيك ما احنا عايشينها مرة وحده ؟؟ وأجينا عالدنيا بدون ما حدا يشاورنا.. انا بدي اعيش باقي عمري بطريقتي وبمزاجي .. انا كل يوم بحس ضغطي مرتفع وبحس السكري قرب ..وبحس حالي بدي انجلط .. مش بإيدي انا ما بكرهه لزوجي ..واذا هو مش قادر يساعدني فليش اربط مصيري بمصيره.. بس هيك بفكر بالحياة .. مش قادرة اتنازل عن حالي وعن رغباتي الشخصية .. فكروا معي بحل لتغير نمط الحياة مع بعض .. في حلول ممكن نوصلها بدون حرب وصراع ونزاع .. ارجوكم خذوا الموضوع بواقعية.. انا عم احكي بوضوح وصراحه ..أحسن ما اضل عايشة معاه واكذب عليه ... انا ما بكرهه ولا رافضيته كشخص ..انا رافضة طبيعة العلاقة يعني الارتباط ... في اكثر من شكل للعلاقة الي ممكن تكون بيناتنا.. ارجوكم تفهموني كناس منطقيه وواعيه ومثقفه .. ممكن تساعدوني في تفسير وتحليل الحالة اللي انا فيها ارجوكم ما تاخذني مجرمه بحق زوجي ولا خصم له ارجوكم انا بحاجه للمساعدة .. انا بعاني .. عم بتعب ... مش زوجي الضحية .. احنا كلنا ضحايا الحياة المعقدة .. انا اسيرة تركيبتي ما بقدر اكون غير هيك .. بحزن مثله وببكي مثله ما تفكروني قاسية ما عندي ضمير .. بس ما قادرة اقلع نفسي من جواتي .. مو قادرة اقلع احلامي .. حاولت بس زي الشجرة الي بتقلعها برجع بنمو شروشها .. انا بجد مش عارفة شو اللي بحكيه هل هو منطق ؟هل حقيقية؟ هل حق ؟ هل طبيعي ؟ هل الحياة معقده ؟هل هو اعتراف نزيه ؟هل جراءة ؟هل وقاحة ؟ هل مرحلة ؟؟؟؟مش عارفه ..س انا هيك عم بعيش هذه الحالة انا بحاجة انه يكون لي مكاني الخاص وحياتي المستقلة الخاصة ... لكن الاشي الوحيد اللي بتمنى تصدقوني فيه اني ما بكرهه ولا رافضه العلاقة معاه .. ولا بهاجمه ولا بتهمه بشي .. بس كنت بدي اغير شكل حياتي ونمطها معاه ..بس هو رافض ذلك بشكل قاطع ورافض يكلمني او يتواصل معي خصوصا بعد ما تركت البيت واخذت اولادي معايا وعشت حياتي زي ما بدي وزي ما كنت احلم طول عمري .