تصرفاتي تشبه امرأة بعمر 90 بالرغم من صغر سني، فما الحل؟

السلام عليكم انا نفسيتى شبه مدمره بضحك بس مش مبسوطه روحى حزينه وعجوزه ليست روح شابه فالعشرينيات مش عندى اى طموح او احلام مش عارفه انا عايزه ايه انهيت بكالوريوس هندسه واشعر كثيرا ان هذا ليس حلمى على الرغم من دخولى الهندسه بتفوق كبير اشعر اننى اكرهها ولا اعرف ماذا افعل مقصره فى حق ربنا وكل يوم اقول هبدا انجز حاجه فحياتى مفيش حاجه خايفه على طول من الندم على عمرى الى بيضيع وحياتى الى ملهاش مستقبل او هدف كسلانه باستمرار مش عايزه اعمل اى حاجه غير انى امسك الموبايل او اقعد ساكته او اروح شغلى الى تقريبا لا يمت للهندسه بصله ساعات بكون مبسوطه وانا فيه وساعات بكون مش طايقه نفسى مزاجى متقلب و كل يوم بليل اندم ان اليوم خلص وانا معملتش حاجه واقول بكرا هبدا وكل يوم زى الى قبله تسويف وحقيقه روحى مهزومه مش قادره ومش عايزه اعمل حاجه حتى الخروج مع اصدقائى مش عايزه مقصره فى حق نفسى وحق اهلى وحق ربى قبل كل حاجه اريد من يجاوبنى ان يشعر بحالتى جديا ولا يعطينى حلولا خارج استطاعتى لا اريد ان يقول احد لى سافرى وغيرى جوا لاننى فتاه مرتبطه باسره ولست شاب حر ممكن ان يسافر وحده انصحونى