أتمنى الموت أو الأعاقة حتى أتخلص من هذه الحياة

من انت تكون معروف عنك انسان قوي وصاحب مبدأ ، وتتبرع من اربع سنين لتكفل حاله انسانيه معينة لناس غرباء قضيتهم صعبة. بحيث ان صحتهم تحتاج اهتمام ورعاية يومية. وبعد هالاربع سنوات وبضغط مستمر، اوصل مرحله اتعب وتدمر نفسيتي بسبب المعاناة والمسؤولية الكبيره الي اخذتها على عاتقي وانا كنت بغنا عنها، والي اخذت كل وقت راحه الي، حته اني نسيت نفسي واصدقائي .. ناهيك عن تاثيره على شغلي. كل الي اريده (بس شهر واحد اجازه راحه ونقاهه) حته اكدر اجدد طاقتي ونشاطي، بس المشكلة محد يتفهمني او يساعدني. اهلي واصدقائي يخبروني ان "هاي مشكلتك، انت ورطت نفسك" بدون ما يفهمون حجم المعاناة الي مريت فيها بهل سنين. وبنفس الوقت ما اريد الناس الي متكفل فيهم يحسون اني تعبت من عدهم. ولا اريد ابين لبقيه الناس اني فشلت بمبادئي... لان كل ما بالموضوع اني احتاج شهر راحه بس من هالاربع سنين. والله ما طالب شي صعب، بس شهر راحه !! وصلت مرحله اتمنى الموت او الاعاقه لانها حتخلصني من هالمسؤوليه بدون ما اطلع بشكل مكسور. ومن اشهر ولحد هاللحظه افكر بحجه او عذر غير السفر حته اقدر اتحجج بغيابي لشهر واحد فقط بدون ما اطلع فيه بصوره انسان ضعيف او بدون ما اخيب ظن احد فيني. ارجو مساعدتكم