أبكي كل يوم ليلاً لأن لا أحد يفهمني ولا أحد يعيرني أي اهتمام

مرحبااا أنا بنت عمري 16سنة أنا من فترة متضايقة كثير ومش متحمل اَي حدا يغلط علي أو يحكيلي اشي وصرت ع كلشي اتطاوش مع اهلي ومش متحمل انهم يلومني ع اشي أنا برضو متضايق من حالي لأني بتصرف تصرفات غريبة مع اني أنا كنت اكتر حدا بيضل يضحك بالبيت وبيتحمل المزح لثقيل وكنت أكتر وحدة من خواتي بحب أمي واقعد معها بالساعات يوميا واحكيلها كلشي أنا بالنسبة الي كانو اخوتي وخواتي وأبوي وامي أمور ناس بيفهموني وبيحبوني ويهتمو فيي بس هلا أنا متغيرة وصرت ما أتحملهم وانا من فترة بحس بضغط كبير وعدم راحة ما بعرف سببها بحس حالي مخنوقة بس بدّي ابكي وبرضو بضل حاسة بقلق نفسي أتخلص منو ... احنا عنا 10 احفاد ما بيروحوا من عنا ودائما نايمين عنا وبيخربو كتير وما بيقعدو أبدا وما بيخلو اشي محلو من غير ما يخربو بس المشكلة إنّو مستحيل امهاتهم يقعدوهم أو ينضفوا ورا ولادهم وبرضو كمان ما بدهم حدا يحكي مع ولادهم يعني ازا خربوا اشي وضربتهم أو بهدلتهم عشان ما يعيدوا أمهم بتزعل وبتقعد تبهدل وطبعا كل العيلة بتعصب علي لأني زعلت الأكبر مني وما احترمتها مع إنّو ابنها غلطان بس ممنوع نحكي معو ولا هي بتحكي معو بس مجبورين نرتب ونظف واحنا ساكتين (لانها دار سيد )!..أنا بضل طول الْيَوْمَ شغل ما برتاح أبدا أنا وأختي الأصغر مني وامي طيب برضوا احنا مش لازم نعيش حياتنا من غير هالمسؤلية وانا كل ما أقرر اطلع أغير نفسيتي مع صاحباتي بيكون في شلة أطفال نايمين عنا وما في حدا يقعد عندهم الا أنا وأختي الأصغر وما يطلع ابدا وانا بهالفترة متضايقة من الأطفال كثير بحكيلهم خلوهم بس يوم كل واحد بداروا وبحاول أوصل لامي وأوصللهم ا مدى الاختناق الي أنا حاس في بس ما حدا فاهمني وكلهم بيحكولي مسطلحات مزعجة كتير وبيعاتبوني وانا كتير متضايق وما في حدا فاهمني بالبيت أنا صرت اقعد طول الليل بس ببكي لسبب أنا ما بعرفو بس لأني متضايق ومخنوق وتعبان أنا حاولت ما أحط اشي ببالي وأنها فترة بتمر بحياة كل حدا وهالشعور طبيعي جدا بس هالأسبوعين الإشي زاد معي ومش متحمل بطلت أحب حدا وتعبت والله تعبت .تعبت من القلق تعبتت من السهر تعبت من عدم الراحة الي أنا في7 ،تعبت ومش لاقي حدا يفهمني .