تفكيري الزائد بهذه البنت أصبح يزعجني فهل أنا طبيعية؟

السلام عليكم انا بحس حالي مريضة نفسية او شاذة او لا اعرف ماذا تحديدا بتمنى تساعدوني في الحقيقة انا عمري 19 سنة بدا هوسي و انا عمري 12 سنة بفتاة جارتنا تكبرني ب 14 سنة هي بنت حلوة خلقا و خلقا ما شاء الله عليها و مع انها جارتنا ما في كلام بيني وبينها غير التحية و ساعات ما بقولها لاني انسانة مزاجية شوي بس لما بشوفها ما بعرف شو بيصرلي بتلبك و بحب اظهر بصورة حلوة قدامها بس دايما بظهر بالعكس صرت بفكر فيها عطول و بحلم فيها و بتمنى كون قريبة منها بس ما بفكر فيها بطريقة سيئة او غير اخلاقية يعني ما بفكر اني اعمل معاها جنس ( اسفة على التعبير) مثل باقي البنات الشاذات بالعكس انا بحترمها و بحبها حب نبيل يعني مش مثل حب الشب للبنت انا بحبها و معجبة بشخصيتها و باعتبرها قدوتي و تمنيت انها تكون اختي او فرد من عايلتي كمان انا بانية قصة بمخيلتي عليها انو هي بطلة بهي القصة و في شباب عشقانينها و هيك يعني قصة حب و هي القصة انا كتبتها عندي لاني انا كاتبة و بتمنى القصة اللي كتبتها عليها اقدر اعمل فيها مسلسل شي يوم . بس انا تفكيري الزايد فيها صار بيزعجني مع انو هي انتقلت من حينا و تزوجت و حضرت عرسها و فرحتلها كتير لانو بتستاهل و حزنت كمان لان صرت ما بشوفها لانو هي انتقلت لغير مدينة . و عندي صور متصورة معها لما اشتقلها بشوفهم . يعني انا عادية ؟؟ انا بعمري فكرت فيها بطريقة خبيثة بس بحبها و بحب شوفها و اسمع خبرها . بليز ساعدوني شو هي الحالة مع العلم انا بمارس حياتي عادي و ما صار هالشي مع ولا بنت غيرا