قيمتي بأعين الناس كبيرة أم بعيني فأنا لا أسوا شيء

السلام عليكم مشكلتي اني استهين بنفسي كثيرا انا فتاة متزوجة وعندي اولاد وزوج يحبوني واحبهم، اكمل دراستي واعيش سعيدة والحمد لله، لكن عندي طبع متعبني كتير، وهو اني شو ما ساويت بشوفو سيئ، يعني اذا طبخت طبخة بقول بنفسي اكيد مش طيبة وما حدا حيحبها، مع اني بعمل فيها كل شي لازم، ولما حد ياكلها بجن عليها ، لما أقدم امتحاناتي في الجامعة اطلع واقول اكيد ورقة امتحاني حتكون اسوأ ورقة بتمر علدكتور، مع اني بدرس كتير منيح، ولما تطلع الدرجات بتكون درجتي اعلى شي، لما اعمل اي شي فورا يجيني احساس انو اشي كتير سيئ، والحقيقة بتكون غير هيك تمام، لما اجتمع مع جاراتي مثلا اخجل اقول رايي مع اني مثقفة اكتر منهم ومعيدة في الجامعة وبشهادة الكل عقلي بيوزن بلد لكن انا بنظر نفسي ولا شي، كتير بستهين بحالي واحيانا بعطي ناس قيمة كبيرة وهم ما بيستاهلو بسبب استهانتي بقيمة نفسي، هل هذه اسمها انعدام الثقة بالنفس؟ مع العلم اني تربيت بعائلة دكتاتورية ممنوع فيها النقاش وإبداء الرأي، لكن تزوجت برجل ديمقراطي لأبعد حد والحمد لله، كل شي بيسالني رايي وما بيعمل الا متل ما بدي، لكن المشكلة اني انا نفسي صرت شوف نفسي ولا شي، بطلع علجامعة وبعطي محاضرات والناس كلها تحترمني وتحبني، لكن انا مو حابة نفسي ولا عاجبة نفسي ولا شايلة نفسي من ارضا، ما بعرف شو اسما حالتي وكيف اتغير.