كان الأمر لا يعني لي شيئاً ولكني الآن أكاد أجن من أختي الحبوبة والإجتماعية

السلام عليكم...انا مشكلتي الغيره الي مووتتني من اختي ..هي اجتماعيه بشكل خيالي يعني ما في حد بيعرفها الا يحبها ...والكل برن عليها يحكو معها...وغرفه الضيوف دايما مليانه من صاحباتها ..ومرات الاقارب بيجو عنا بيضلهم يسألون عنها وازا ما كانت موجوده بلبيت ما بيطولو بيروحو....والله اني منجنه ومكسورة من جواتي انو ليه ما حد بيحبني هيك يعني بشو هي احسن مني عشان تنحب ...مع انها اختي الصغيره عمرها ٢٥ وانا عمري ٢٦ بصل احكيلها علميني احكيلي كيف بتخلي الناس تحبك ما بتجاوبني وكتير حابه اتعلم منها بس مش عارفه...والأشي الي جد قهرني وكل يوم بعصر قلبي وجع مره صديقتي تحت عندي ورحت استقبلها الا هي بتحكيلي جاي بدي اشوف اح.. الي هي اختي...اقسم بالله اني انحرق راسي ضليت واقفه معهم وبعدها فتت ع البيت من القهر...ولما نروح زيارة عند احد وما كانت اختي موجوده بيضلهم يسألون عنها وانو يا ليتها موجوده طيب ليه ما تحت يخساره ونص القعده بتكون عنها...انا ما كنت اغار بس لما صار الناس بحطوني بالهامش وهي الاساس كاني انا ما الي وجوده اقسم بالله حسرة بقلبي .انو لو اغيب عن ااسوشال ميديا أو الواقع ما حدبيسال عني.. طبعا جربت مره لغيت كل حساباتي وقعدت بلغرفه ما حد حكالي وينك...أما اختي ازا يوم اختفت أو ما بينت تلفونات ومرات بيجو ع باب البيت يس يطمنو عليها.... يا الله نفسي احس اني اجتماعيه واني حد مهم عند اي حد يا رب تساعدني وتطيب خاطري امانه شو اعمل انا كتير منجنه من هلموضوع لانو كل يوم بيصير نفس المواقف كما ذكرت وشكرا الكم