هذه اللعبة بكل بساطة دمرت حياتي

مرحبا كيف حالكم ياشبكة حلوها اليوم بدي اعرض عليكم مشكلة نادرة بس موجودة وصاحبها الي هو انا عايش بعذاب نبدا على بركة الله ونشرح شو الي صاير معي اول شي بعرفكو بنفسي 22سنة مواليد الرياض وسافرت نهائي على الاردن مشكلتي بدات من لما كنت ولد صغير 14 سنة تعرفت على واحد ...م وبدوره عرفني على شغلة ادمنت عليها لمدة 7سنين الشغلة هي لعبة على الكمبيوتر اون لاين المهم ادمن على اللعبة وبطلت اطلع من البيت وبعدت عن الناس لدرجة انه هجرت كل اصحابي تركتهم مع اني كنت انسان اجتماعي بشكل غير طبيعي وكنت اغلبية الوقت بالشارع ومارجع للبيت لين الساعة 12 هذا الحكي كله قبل ماتعرف على هاي اللعبة بعد ماتعرفت على اللعبة وبدات العبها وانشديت الها وصرت لفل عالي كثير وكبير وختمت نص العبة وتركت الحياة العادية لدرجة انه لوتخيريني سيارة لمبر جيني ولا لفل 105 رح اقلك 105 لانه عنجد انخرطت للعبة بشكل غير طبيعي وبطل اي شي يهمني من الدنيا فهذا الشي اثر علي كثير ولما اجا وقت الدراسة تركت العبة عشان المستقبل وحياة جديدة تركت العبة بديت ادخل على الحياة الجديدة بس كنت ارجع العب لين ماخلصت الدراسة والغريب جبت نسبة 93% بينما لما كنت بالتوجيهي جبت 63% فرق كثير كبير بس انا مشكلتي مش دراسية انا مشكلتي اكبر بكثير وهي انه صارت حياة الاجتماعية زفت كثير بطلت اعرف اختلط مع الناس زي قبل وعقلي دايم مش معي مابيرجع غير لما امسك العبة والعب لانه خلاص انا تعودت على هالشي وهسا من فترة طويلة تارك اللعبة وبحاول اني ارجع لحياتي الاجتماعية بس لاسف بحس اني راجع للجحيم مابعرف شو اسوي ارجوكم ساعدوني انا قرفت انا بدي ارجع اجتماعي والله حرام مع العلم انه رحت فترة زيارة لمدينة الهند6شهور لغرض انه اريح مخي شوي من الكمبيوتور واحاول ارجع واضبط وضعي وارجع زي ماكنت بس لاسف ماصار الي بدي ياه وضليت زي مانا وهسا نفس الموضوع الي سنة كاملة بالاردن بشتغل وبطلع من الشغل اجتني فرص كثير وشغل مو اي شغل بس ماقدرت اتعامل منيح وبطلت ياجماعة انا هيك مستقبلي عم يضيع من بين يدي ارجووكم ساعدوني وجهوني احكولي شو اسوي مابدي حكي منتديات وهاي الشغلات بدي شي عن تجربة استفيد منه ويكون على حسب حالتي لانه عنجد انا شوي واطق والله حرام هيك دمرت حالي عشان لعبة ماتستاهل كله كان عشان وقت تسلية وتضيع وقت ولاكن لااسف كانت اللعبة الي بتضحك علي وتتسلى فيني ياخوان مشكلتي كثير خطيرة كثير اوقات بكون فاصل ومخي مش معي والله كثير يعني بكون ملحوس وبحس اني مابقدر اتصرف مع انه مش سوء تعليم او شغلة بس كل هالشي من ورا هاللعبة دمرتني دمار شامل وعم بحاول ارجع لطبيعتي قياليت حدا ينصحنا وشكرا كثير :(