يتقطع قلبي حزناً عندما أرى أم تطبطب على ابنها

انا نفسيتى دايما تعبانه ومش لاقيه حل من صغرى وبابا دايما بيكرهنى وبيضربنى دايما من غير سبب بقيت بسببه بحب العزله ومش بحب اقعدطول الوقت ساكتة وبخاف حتى اتكلم مع اى حد ليضربنى بقيت بخاف من اى حد بخاف من الناس كلها بسببة حتى والدتى مش حنينة عليا ولا حتى على اخواتى دايما بنتعامل معامله وحشة منهم هما الاتنين وعمرى مشفت منهم حنية ابدا حتى فى تعبى كنت بترمى بالاسبوع تعبانه نايمة ومحدش حتى بيطبطب عليا ملا حتى بيدخل يبص عليا كنت دايما انام نوم خوف وكل شوية بصحى لانى كنت بخاف وانا نايمة ييجى ابويا يضربنى لانه عمالها كتير انا اتجوزت الحمدلله من غير مساعدته اتبهدلت واشتغلت سنين وكان بياخد جزء من فلوسى علشان يسبنى اشتغل والحمد لله ربنا قوانى واتجوزت بفلوسى بس لحد دلوقت بخاف وانا نايمه وبحلم بيه دايما بيضربنى وبصحى بقعد اعيط وبالرغم من ده كله ببر ابويا وامى وبخدهمهم فى تعبهم وبجبلهم هدايا لان ربنا هيسالنى عليهم وهيحاسبنى لو عقتهم بس انا نفسيتى شايله منهم ومش قادره بصراحه اسامحهم على اى حاجه وحشه عملوها فيا حتى ولادتى سبونى ابويا سال عليا كام مره بالتليفون وامى جتلى تانى يوم اكلت وشربت وبهدلتلى الشقه ومشيت وهيا تقدر تخدمنى بس بتستخسر حتى مكانوش عايزنى اتجوز علشان ياخدو فلوسى واخدمهم كمان معا انهم حالتهم الماديه كويسه بس هما طماعين وبيحبو الفلوس اوى بس عمرى معرفت ابقى قلبى قاسى زيهم ومش بستحمل اشوفهم تعبانين انا مش قادره اسامحهم لانهم لسة قاسيين عليا متغيروش بس انا قلبى واجعنى اوى كل اما اشوف ام حنينة على ولادها ولا بتاخدهم فى حضنها ولا زعلانه علشان ولادها قلبى بيتقطع وبحس انى يتيمه وهما عايشين ..انصحونى بالله عليكم اعمل ايه ؟!