اشعر باكتئاب بعد موت امي وابي

مشكلتي اني يأسانه من هالحياة كل اشي كان عندي ام واب وشغل و فجأة كلشي راح وصفيت لحالي عايشه مع اخوي ومرته مش قادره اعيش بعد ما كنت مؤمنه بهالحياة و مبسوطة عليها وربنا فاتحها بوجهي الحمد لله بصلي و بخاف من ربنا وبعرف انه حيعوضني خير بهالحياة بس طبع الانسان عجول ما بصبر وكمان انا بحب واحد صارلي سنتين وهو بحبني ووعدني يجي بس فرق المسافات هو يلي مصعب الوضع حاسه انه حيجي بس انا زهقت من كل اشي وبطلت متحمله اشي متخرجه من الجامعة بتخصص خدمه اجتماعية بتقدير جيد جدا وفش ملاقية شغل بتخصصي شو الحل كيف بدي ارجع لمفسيتي يلي كانت زمان بعد ما توفو ابوي وامي كيف بدي اقدر اواجه هالواقع طول عمري بقول اني انا وحده قوية بس الموت بهد الحيل وبكسر القلب امي روحها طلعت وهي بين ايدي وانا مش قادرة انسى لحظتها بالليل ما بقدر انا وبخاف من الموت حولي ناس كتير بس برضه عايشه لحالي مش قادرة اشكي لحدا لانه ما بطلع بايدهم الا يقولو بعين الله قولي الحمد لله والله بحمده وبشكره بس بدي افرح بطلت احس بقيمه هالدنيا صار عندي فتور منها حياتي انقلبت وتغيرت كتير وهذاك الشب بوعدني وبقولي بكرا حغير حياتك بس هو مش عصا سحرية ليغيرها طيب مهو ايام امحتاجيته وما بلاقي جنبي بعاتبه وبرجع يقولي اسف بعرف انه عزره معه وبعرف انه بحبني بس انا متعبه حاسه حالي داخله بموجه اكتئاب كيف بدجي اغير من حالي مريت باشياء كتير و تعبت كتير والكل بشهد كنت قوية وبطلت قولولي شو الحل حاولو ساعدوني بس ما تقولو بعين الله ولا تقولو ارتاحو ولا تقولو ربنا كريم انا بؤمن بكل هالاشي بس بدي اشي جد ينشلني يجدد حيويتي