حالتي النفسية سبب سمنتي المفرطة!

عمري عشرين سنه ومشكلتي اني سمينه. وزني ١٢٣ كيلو وطولي ١٦٩سم. حاولت بكل الطرق انحف، سجلت بنادي رياضي وجربت كل انواع الريجيمات والبرامج الصحيه لكن وزني بس ينزل تقريبا ١٠ كيلو وبس!كل صديقاتي والي حولي اما متزوجات او مخطوبات او عندهم علاقات حب الا انا!! السبب سمنتي المفرطه. محد تقدم لي ولا احد حاول يكلمني او يتحرش فيني بسبب وزني بالنهايه الشباب مايبون وحده دبه!انا متاكده ان وزني هو سبب تعاستي وبيكون سبب عنوستي. مع اني باقي ادرس بالسنه الاخيره بالجامعه بس مقتنعه ان السمنه هي السبب الرئيسي لتاخير الزواج عند البنات او عدمه لان الامهات ماراح يخطبون وحده دبه لعيالهم!!قاعده ادور عن اي طريقه تساعدني ومالقيت! كل الي جربته مانفع معي.. قد زرت دكتور مختص مره وبعد ماسويت كل الفحوصات الطبيه تبين ان ماعندي مشاكل صحيه والسبب الرئيسي بسمنتي هو نفسيتي!!ماصدقته لكن صرت اوسوس بالموضوع.. هل صدق نفسيتي هي سبب سمنتي؟ واذا ايه كيف ممكن اعالجها؟