اشعر بألم بالمعدة عند فتح سيرة الزواج امامي

السلام عليكمانا مشكلتى صعبه جداااااا ومش عارفه احدد ايه الجهه اللى المفروض اتوجه ليها للعلاج انا فتاة فى ال22 سنه مهندسه وطموحى عالى والحمد لله كنت متفوقه دراسيا . مشكلتى ان معنديش ثقه فى حد خالص وخاصة اى شاب والاهم من ده انى لو مثلا اعجبت بشخص وانجذبت ليه مش ببين ده نهاااااائيا بس لما بشوف الشخص ده بلاقى ضربات قلبى بتزيد جامد ومعدتى بتتعبنى اووووووى ومش برتاح الا لما اتقئ .وده شئ مؤلم جداااااا .بالاضافه انى خايفه حتى يوم ماارتبطت بشخص او اى شخص يتقدم لى امسك معدتى واجرى على الحمام واتقئ جامد .حصلت معايا فى اكتر من موقف بالذات الاشخاص اللى ببقى معجبه بيهم او منجذبه ليهم وده طبعا مش مره واحده يعنى مثلا كنت مشدوده لابن خالتى جداا بس هو ميعرفش وكنت لما اسمع عنه اى حاجه اتعب جامد ولما عرفت انه خطب وتزوج معدتى تعبتنى جامد ونفس القصه اجرى ع الحمام واتقئ بسبب وجع معدتى ونفسيتى بتبقى فى الارض وبنزل فى الوزن كل ده غصب عنى حتى كاس الميه ممكن يتعبنى .وبعد فتره شيلته من دماغى خالص وبعدين بقى اى شخص يبدى اعجابه بيا او انه ناوى يتقدم مش عارفه ايه بيحصل لى وجع رهيب برضه فى المعده وطبعا بمتنع عن الاكل وبفقد شهيتى تماما ..روحت لدكاتره كتير باطنه وجهاز هضمى ومافيش فايده ..هل مشكلتى نفسيه لان بتعب جامد ونفسيتى بتبقى زيروووو خاصة لما حد يفتح معايا موضوع زواج و ارتباط .