حروقي سبب عنوستي!

انا عندي مشكله ملاحقتني من لما كنت صغيره وعمري ٩ سنوات!لما كنت صغيره انكب عليٌ مويه مغليه على رجولي واحترقت اعلى رجولي رحت لكذا دكتور اعالج الحروق لكن باقي آثارها ومبين ان كان فيه حرق. مع السنين كبرت وتخرجت وتوظفت. خطبني واحد قبل سنه برا العائله ولما جلسنا مع بعض بالشوفه وارتحت له واعجبني قلت له سالفه الحرق وكل نيتي اني مااغشه لكن انصدمت ان الولد تغيرت لهجته معي وماكان وده يكمل الحكي معي، وقالوا اهله بنرجع نكلمكم ومن عقبها ماسمعنا منهم شيئ.انا لما شفتهم معاد دقوا قلت لامي ترا قلت للولد عن حروقي وعصبت عليٌ لكن بررت لها موقفي اني مابي بكره يقول اننا غشيناه وخدعناهم. المهم من عقبها وانا حالتي حاله هل ممكن تؤثر حروقي على فرص زواجي؟اكذب عليهم؟ انا مقدر اكذب عليهم ولازم اقول لاي احد يخطبني عن مشكلتي وامي تقول اذا قلتي محد راح يتقدم لك. هل فيه حل ممكن يفكني من هالمشكله؟ هل اقول لهم او اسكت والله يسهل ؟